La chinoj solenas naskighon kaj morton por montri sian gratulon au funebron. En tiuj aferoj vino ludas gravan rolon.

    En Chinio la familia strukturo estas fondita per sanga rilato, tial naskigho de bebo montras, ke la sanga rilato de la familio dauras kaj la familia heredado estas garantiata. Tuj post naskigho de filo oni faras solenan gratuladon, kio dauras tre longe. De la naskigho ghis la unujarigho de la bebo oni solenas ne nur ghian unumonatighon, sed ankau ghian centtagighon kaj unujarighon. En la tago de ghia unumonatigho la familio devas kulti la prapatrojn kaj dion kaj doni festenon por regali gastojn. Kompreneble en la festeno ne povas manki vino. Tiam la patrino kun sia bebo akceptas gratulon de la gastoj kaj la familio de la bebo donacas al la cheestantoj rughshelan ovon. Che la unujarigho de la bebo oni ripetas la festenon por solenado.

    Solenado de la datreveno de la naskigho de la gemaljunuloj estas antikva moro en Chinio kaj precipe post la 60-jarigho chiuj datrevenoj estas gravaj kaj la festeno grandskala. Tiutage en la celebrejo pendas bildo de Feo Longevivulo, brilas dikaj rughaj kandeloj kaj sur tabloj vidighas farunaj persikoj, kukoj, vermicheloj kaj aliaj, chio aludas longvivadon. Tiutage la gratulata maljunulo devas porti novajn shuojn kaj akceptis surgenuan riverencon de la filoj kaj nepoj. Che la festeno la gratulata maljunulo certe okupas la honoran lokon.

    Se la maljunulo mortas en la agho de pli ol 70 jaroj, tio estas rigardata kiel felicho. Tiaokaze oni ankau solenas kelkajn tagojn. Kaj la familio de la mortinto devas fari festenon kun vegetalaj pladoj kiel la chefa parto kaj la cheestantoj ne devas bruadi nek instigi al drinkado.

Geedzigho kaj vino
En festotagoj
Vino en la ordinaraj tagoj
Nacimalplimulta moro de drinkado