Konduki
okcidentan naturgason en la orienton estas konstruo nur malpli granda
ol la akvorezervejo Sanxia, kaj la totala investo atingos 146.3
miliardojn da juanoj. Por la konstruo oni instalos 4200-kilometran
tubon por sendi naturgason de Xinjiang al Shanhajo kaj ghiaj chirkauaj
regionoj, kie mankas fuelo. Prospektorado promesas, ke Xinjiang
povos sendi chiujare 12 miliardojn da kubmetroj da naturgaso al
Yangzi-delto kaj regionoj ambauflanke de la tubo. La stabila gasprovizado
dauros almenau 30 jarojn.
Dislokigho
de fuelo de Chinio estas malegala: La okcidento de Chinio havas
abundon da naturgaso, petrolo kaj hidroelektraj fontoj, dum la oriento
kun rapide disvolvighanta ekonomio urghe bezonas grandan kvanton
da fuelo. Tia dislokigho de fuelo pli kaj pli altigas la produktokoston
en la sudorienta parto de Chinio, dum la popolo de la okcidento
vivas malriche posedante richan rezervon de fuelo.
Nun la gasdukto de Xinjiang al Shanhajo estas intense konstruata.
Tubo kun kalibro de 1118 mm komencighas de Tarim de Xinjiang ghis
Nankino kaj Shanhajo.
Do oni
demandas, chu la sekureco de la gasdukto milojn da km. longa estos
garantiata.
Unu el la gravaj rimedoj por sekureco estas korodimuno. Korodo venas
de du flankoj: unu estas ekstera tegajho de la tubo kaj la alia
estas sulfido en gaso. Naturgaso estas altpreme transsendata en
tubo, kaj se la tubo estos korodita, la gaso eksplodos en alta premo.
Kontrau
tio la Ghenerala Kompanio de Petrolo kaj Naturgaso de Chinio faros
tri sekurigajn rimedojn: 1. Absolute malpermesi nekvalifikitan procedon
dum la konstruado. 2. Ekipi la tubon en chiu 30-a kilometro per
valvo. Se ie okazos traliko de gaso pro korodigho de tubo, oni tuj
fermu valvojn che ambau punktoj por ke la akcidento ne damaghu la
tubopartojn ekster la 30 kilometroj. 3. Konstrui subterajn gastenejojn
en eluzitaj subteraj salminejoj kaj petrol- kaj gas-kampoj en la
malsupra baseno de Yangzi-rivero, por havi gasrezervon je eventuala
akcidento. Chi tiuj rimedoj celas normalan gasprovizon en la malsupra
baseno de Yangzi-rivero.
Evidenta
estos la rolo de stimulo de la konstruajho al la kresko de la nacia
ekonomio de Chinio. La konstruajho povos stimuli industriojn de
metalurgio, cemento, konstruado-muntado, mekaniko, elektroniko k.a.
en la regionoj trairataj de la gasdukto. Tio formos novan kreskan
zonon de ekonomio kaj faros grandegan pushon al la plibonigo de
la china ekologia medio.
Rilataj
artikoloj:
Konduki
sudan akvon norden: Chu tio estos praktikebla?
Transsendi
okcidentan elektron orienten: Chu protektismo povos esti venkita?
Qinghai-Tibeta
Fervojo: Chu la medio estos damaghita?
Revenu
|