Transsendi okcidentan elektron en la orienton estas marka konstruajho de disvolvo de la okcidento de Chinio. En la 10-a Kvinjara Plano okcidenta elektro estos transsendata al la oriento per norda, meza kaj suda lineoj. La norda lineo transsendos elektron el Interna Mongilio kaj Shaanxi-provinco al norda Chinio, kaj post 5 jaroj tiuj lokoj sendos al Pekino, Tianjin kaj Tangshan 2.7 milionojn da kilovatthoroj da elektro. La meza lineo sendos el Sichuan al la elektra reto de centra kaj orienta Chinio. La suda lineo sendos elektron de Yunnan, Guizhou kaj Guangxi al aliaj lokoj de suda Chinio kaj post 5 jaroj provizos Guangdong per 10 milionoj da kilovatthoroj da elektro.

    La cheestantoj de ChPK kaj ChPPIK havis gheneralan opinion, ke la konstruajho favoros kaj la orienton kaj la okcidenton. Por la okcidento, ni prenu kiel ekzemplon Longtan-hidroelektrejon de Guangxi, gravan elektroprovizanton de la konstruajho. Por chiu investo de 100 juanoj la ekonomio de Guangxi kreskos je 132 juanoj. En 2011, kiam la hidroelektrejo estos kompletigita, ghi okupos 8.3% de la nacia ekonomio de Guangxi.

    Rilate la orienton, la konstruajho povos shtopi ghian elektromankon kaj plenumi ghiajn bezonojn je mediprotektado kaj kamposhparo. Ekzemple nun la Interna Mongolio chiutage provizas Pekinon per 0.94 miliono da kilovatthoroj da elektro, kaj shajnas al Pekino, ke ghi havas elektrejon de 1.2 milionoj da kilovattoj.

    Multaj cheestantoj de ChPK menciis provincan protektismon, kiu serioze malhelpas la transsendon de elektro. Oficisto Shi Yubo de la Shtata Ekonomia kaj Komerca Komisiono diris, ke iuj lokoj preferas pli karan elektron produktitan de loka poluanta elektrejo al malpli kara elektro de hidroelektrejo en la okcidento, char kie estas elektrejo, tie oni profitas je impostado, enoficigo kaj imposto de entreprenoj. Transsendi okcidentan elektron en la orienton signifas denove reguligi la interesojn. Chu oni povos transsendi okcidentan elektron en la orienton, tio dependas de la memkosto de la elektrejoj de la okcidento, la konkurenca forto de la prezoj de elektro kaj la proceso de la reformado de la sistemo de elektroproviza administrado de la tuta lando.

    Specialistoj konsilis, ke en la estonteco oni planizu la konstruadon de elektrejoj de la okcidento kaj oriento, nome en la oriento ne konstruu plu grandan termoelektrejon por cedi al la okcidenta elektro lokon en la merkato. Plej grave estas radikale shanghi la nunan sistemon de elektroproviza administrado, akceli retan administradon de la tuta lando kaj starigi unuecan elektroprovizan merkaton. Nur tiamaniere oni povos rompi lokan protektismon kaj la konstruo transsendi okcidentan elektron en la orienton povos fundamente ludi rolon.

    Post plenumo de la konstruajhoj pri elektro kaj naturgaso, la okcidento de Chinio farighos forta fuela bazo de Chinio, dum la oriento farighos produkta bazo rapide funkcianta.

Rilataj artikoloj:

Konduki sudan akvon en norden: Chu tio estos praktikebla?
Konduki okcidentan naturgason orienten: Chu la sekureco estos garantiata?
Qinghai-Tibeta Fervojo: Chu la medio estos damaghita?

Revenu