Posttagmeze
de la 3-a de marto de 2002, solene inaugurighis en Pekino la Kvina
Sesio de la Naua Tutlanda Komitato de la China Popola Politika Interkonsiligha
Konferenco (ChPPIK). Tio estis la unua sesio de la organizo de la
plej vasta china patriota unueca fronto post la aligho de Chinio
al la Monda Komerca Organizo kaj ankau grava kunveno antau la 16-a
Tutlanda Kongreso de la Komunista Partio de Chinio (KPCh).
La
konferenco estis prezidita de prezidanto Li Ruihuan de ChPPIK. Komisiite
de la Konstanta Komitato de la Tutlanda Komitato de CPPIK, vicprezidanto
de ChPPIK Ye Xuanping faris laborraporton de la Naua Konstanta Komitato
de ChPPIK. Li diris, ke en la pasinta jaro la Konstanta Komitato
de ChPPIK prenis la centran laboron de la shtato kiel la sian, rigore
observis la du temojn de solidareco kaj demokratio, bone plenumis
la funkciojn de politika interkonsiligho, demokratia superrigardo
kaj partopreno en kaj diskuto pri politikaj aferoj, kaj dispoziciis
plenumon de la diversaj laboroj taskitaj de la Kvara Sesio de la
Naua Tutlanda Komitato de ChPPIK. En la pasinta jaro, la Konstanta
Komitato de ChPPIK faris jenajn laborojn: profunde studis la paroladon
de prezidanto Jiang Zemin faritan en la 1-a de julio de 2001 kaj
la gravan penson "tri reprezentantaj", serioze studis
kaj efektivigis la spiriton de la Sesa Sesio de la 15-a Centra Komitato
de KPCh; profundigis kaj fortigis la konscion pri spegulado de la
socia stato kaj la popola opinio, ellaboris "Kelkaj opinioj
de la Tutlanda Komitato de ChPPIK pri pluapasha fortigo de la laboro
de spegulado de la socia stato kaj la popola opinio"; okazigis
kunsidojn de laborsperto che la lokaj komitatoj de ChPPIK, plifortigis
interkomunikadon kaj direktadon al laboroj de lokaj komitatoj de
ChPPIK; festis la 90-an datrevenon de la Revolucio de 1911 por disvolvi
la gloran tradicion de patriotismo, solidareco kaj prosperigo de
la china nacio; sendis la komitatanojn inspekti kaj enketi pri la
gravaj politikoj de la shtato kaj la problemoj zorgataj de la popolo
kaj ellaboris altkvalitajn raportojn; faris 3737 projektojn, metis
3566 el ili en kazojn kaj solvis 3527 el ili; fundamente finis reordigadon,
kompiladon kaj redaktadon de la konservataj historiaj kaj kulturaj
materialoj kun 300 milionoj da ideogramoj kaj pretigis valorajn
materialojn por daura konservado, politika konsultigho, solidareco
kaj edukado; oftigis interkomunikadon kun elmigrintoj en Hongkong,
Makao kaj Taiwan, akcelis la unuighon de la en- kaj eksterlandaj
chinoj kaj akcelis la grandan aferon de paca reunuigho de la patrolando;
okazigis dufoje internaciajn simpoziojn "Forumo de la 21-a
Jarcento", vigligante la eksterlandan amikighon de ChPPIK;
la konstruado de la oficejo de ChPPIK estis plifortigita kaj la
servo al la diversaj partioj, popolaj societoj kaj komitatanoj estis
multe plibonigita. En la diversaj plenumendaj laboroj la konstanta
komitato disvolvis pozitivan rolon de la diversaj partioj, societoj
kaj diversrondaj personoj.
Vicprezidanto
de ChPPIK Luo Haocai faris laborraporton pri projektoj faritaj depost
la Kvara Sesio de la Naua Konstanta Komitato de ChPPIK.
La chefaj
programeroj en la 10.5-taga tagordo de la Kvina Sesio de la Naua
Tutlanda Komitato de ChPPIK estas: auskulti kaj ekzameni la laborraporton
de la Konstanta Komitato de ChPPIK; auskulti kaj ekzameni la raporton
pri la projektoj faritaj depost la Kvara Sesio de la Naua Tutlanda
Komitato de ChPPIK; cheesti la Kvinan Sesion de la Konstanta Komitato
de la Naua Tutlanda Popola Kongreso por auskulti kaj diskuti la
laborraporton kaj aliajn raportojn de la registaro; ekzameni kaj
aprobi la rezoluciojn. 2267 komitatanoj alestis la Kvinan Sesion
de la Naua Tutlanda Komitato de ChPPIK.
ChPPIK
establighis en 1949 kaj estis organizo de la patriotisma unueca
fronto de la china popolo, grava institucio de multpartia kunlaboro
kaj politika interkonsiligho sub la gvido de KPCh, grava formo por
disvolvo de socialisma demokratio en la politika vivo de Chinio.
Ghi havas vastan reprezentantecon kaj ghiaj chefaj funkcioj estas
politika interkonsiligho, demokratia superrigardokontrolo kaj partopreno
en kaj diskuto pri politikaj aferoj, kaj solidareco kaj demokratio
estas du punktoj de ghia temo. Chiujara sesio de ghia Tutlanda Komitato
estas la plej solena interkonsiligho pri la shtataj aferoj de Chinio.
Rilataj materialoj
Tutlanda
Popola Kongreso
Rajtoj
de la Tutlanda Popola Kongreso
Sistemo
de la Popola Kongreso
De
la Unua Kvinjara Plano ghis la Deka
Revenu
|