Aŭguste de 1980 la ĉina registaro oficiale sankciis konstruadon de la Shenzhen-a Speciala Ekonomia Distrikto, post tio naskiĝis specialaj distriktoj Zhuhai, Shantou, Xiamen kaj Hainan. Dum reformado kaj pordomalfermo de Ĉinio la Shenzhen-a Speciala Ekonomia Distrikto ĉiam ludis eksperimentan rolon kaj okupis plurajn unuajn lokojn en Ĉinio, kiaj transigo de entreprena proprieto, reformado de prezoj kaj tiu de la sistemo pri loĝdomoj.

    Shenzhen, la unua speciala ekonomia distrikto de Ĉinio, iniciatita de Deng Xiaoping, ĝenerala projektisto de reformado kaj pordomalfermo de Ĉinio, estas rigardata kiel fenestro de la reformado kaj pordomalfermo de Ĉinio. De 1980, post sankcio de la ŝtato pri starigo de la speciala ekonomia distrikto, la “Shenzhen-a rapideco” ja fariĝis ofte uzata esprimo en Ĉinio. En la pasintaj 29 jaroj, Shenzhen evoluis de malgranda ĉemara fiŝvilaĝo kun malpli ol 30 mil loĝantoj al moderna metropolo kun pli ol 10 milionoj da loĝantoj, kaj ĝia areo disvastiĝis de 3 kvadrataj kilometroj al pli ol 700. Ĝia ĝenerala enlanda produkto-valoro kreskis de 179 milionoj da juanoj en 1979 al pli ol 780.7 miliardoj da juanoj en 2008. Tio estas miraklo en la ekonomia historio de la mondo. Nun Shenzhen jam fariĝis unu el la plej evoluintaj ekonomiaj regionoj sur la ĉeftero de Ĉinio. Altteknologiaj industrioj, moderna loĝistiko, financa servado kaj kultura industrio funkcias kiel 4 ekonomiaj subteniloj de Shenzhen. Krome, kiel grava eksterakomerca haveno, Shenzhen per la totala valoro de siaj eksportado kaj importado okupas la unuan lokon inter grandaj kaj mezgrandaj urboj de Ĉinio en la pasintaj pli ol 10 jaroj sinsekve.

* La aŭtoro estas raportisto de Xinhua-a Novaĵ-agentejo, Ĉinio.