| 2009-10-26
de SU YIJUN
La Hongfang-a Internacia Kultura kaj Arta Plansetlejo de Ŝanhajo sidanta en domo n -ro 570 ĉe la Okcidenta Strato Huaihai areas 18 mil kvadratajn metrojn. La skulptura centro de la urbo Ŝanhajo, funkcias kiel ĝia ĉefa konsistiga parto. Tie servas ankaŭ plurfunkciaj kunvenejoj, artaj ekspoziciejoj, plurfunkciaj ejoj por kreado, trinkejo, kafejo, restoracio de eŭropaj manĝaĵoj kaj aliaj amuzejoj.
La plansetlejo estis konstruita en la fabrikaj domoj de la antaŭa Deka Laminatejo de Ŝanhajo. Utiligante altajn armaturajn framojn de la antaŭaj fabrikejoj kaj kombinante ilin kun la arta strukturo de modernaj konstruaĵoj, oni ne nur heredis la historiecon de malnovaj konstruaĵoj kaj protektis ekologian medion, sed ankaŭ racie traktis novan kaj malnovan spacojn, inkl. de ventumado, sekureco, harmonio kaj aliaj detalaĵoj de la konstruaĵoj, tiele stariĝis publika kultura kaj arta loko.
|
