| 2010-03-23
|
 |
| Partoprenantoj de SES-2009 | Somera Esperanto-Studado (SES-2010) okazos inter la 2-a kaj la 10-a de julio 2010 en okcidentslovaka banurbo Piešťany, situanta 80 km for de la slovaka ĉefurbo Bratislava kaj 160 km de Vieno, ĉefurbo de Aŭstrio.
La programo konsistos el kelkaj partoj:
Antaŭtagmeze - instruado pri Esperanto;
Posttagmeze - ekskursoj, prelegoj, manlaboroj, sportoj, laborgrupoj ktp.;
Vespere - Nacia kaj Internacia Vesperoj, koncertoj, filmo-spektado, diskoteko...
Esperanto-instruadon gvidos spertaj Esperanto-instruistoj en 4 grupoj, laŭ la lingvo-nivelo.
Dum la alventago okazos mallonga enir-testo, por povi bone dividi lernantojn laŭ la lingvo-nivelo. Fine de la aranĝo la partoprenantoj ricevos atestilojn pri 26-hora kurso laŭ la niveloj de nova europa referenckadro pri lingvo-instruado de la nivelo A1 ĝis C1.
Instruistoj
|
|
|
|
|
|
| Stano MARČEK (SK) A1-A2-niveloj |
|
Petra SMIDELIUSZ (HU) B2-nivelo |
|
Dalia PILECKIENĖ (LT) B1-nivelo |
Ekzamenoj de UEA laŭ la Komuna Eŭropa Referenckadro
Planata estas okazigo de ekzamenoj en 3 niveloj: B1, B2 kaj C1 - la 6-an de julio 2010. Minimuma bezonata kvanto por ke okazu la ekzamenoj estas 10 homoj, tial do aliĝu frue, por povi aranĝi la ekzamenadon. Menciu vian emon ekzameniĝi en la aliĝilo , same menciu la ekzamen-nivelon! Bonvolu plenigi ankaŭ apartan aliĝilon por ekzamenoj, kiu troviĝas ĉe edukado.net , kaj resendi ĝin al katalin@ikso.net mailto:katalin@ikso.net. Atentu! La ekzameno estas aparte pagenda (bonvenus se vi antaŭpagus ĝin kune kun aliĝkotizo). Kotiztabelo por la ekzamenoj troveblas ĉi tie . Detalojn pri la KER-ekzamenoj vidu ĉe edukado.net .
Flugiloj de malfacila vento
Se vi estas instruema kaj jam relative bone parolas Esperanton, tio estas via ŝanco por praktika trejnseminario dum SES.
Priskribo: Lingva perfektigo kaj metodika trejnado de E-instruemuloj kaj interkulturedukantoj laŭ la metodologio de Flugiloj de malfacila vento kaj de Interkulturo http://www.interkulturo.net .
Celoj:
· formado de kursgvidantoj;
· formado de interkultur-edukantoj, surterenaj aplikantoj kaj helpantoj de la projekto Interkulturo.
Celgrupo: B1/B2/C1-nivelaj interesatoj pri E-instruado, pri interkultura edukado kaj lernado per Esperanto, kaj pri interkultura aliro al lingvo-instruado kaj lernado.
Principa tempoplano:
Antaŭtagmeze:
· lecionoj, grupaj ekzercoj;
· laŭ anticipa interkonsento kun gvidantoj de aliaj grupoj:
o observaj vizitoj dum iliaj lecionoj;
o provlecionoj de la seminarianoj.
Posttagmeze, iom malkiel ĉe aliaj grupoj:
· diskutrondoj;
· grupa kaj individua solvado de taskoj kaj preparado por la morgaŭaj lecionoj;
· parta partopreno en la cetera SES-programo posttagmeza kaj vespera.
Gvidantoj de la seminario:
· Radojica PETROVIĆ (RS)
· aperos baldaŭ
Rimarko: Por aliĝi al "Flugiloj" seminario bv. mencii tion en la aliĝilo (plenigu koncernajn partojn en ĝi).
(el http://eo.lernu.net/)
Redaktoro: Niu Xueqin
| 
