| 2010-03-29
de HOU ZHIPING
 |
|
 |
| Favorkarto por maljunuloj |
|
Renkontiĝo de kolegoj | En ordinaraj tagoj mi ofte promenas en pekinaj parkoj, kiaj la Somera Palaco, Xiangshan-monto, Ĉiela Altaro, Beihai-parko, la ĝardeno Yuanmingyuan, Jingshan-parko, Pekina Botanika Ĝardeno kaj Pekina Zoologia Ĝardeno. Mi ankaŭ vizitis pekinajn muzeojn, ekspoziciejojn kaj kinejojn. En la pasinta jaro la pekina registaro lanĉis politikojn favorajn al pli-ol-65-jaraj maljunuloj. Laŭ la politikoj la maljunuloj povas senpage viziti 152 parkojn kaj vidindejojn, 45 muzeojn, kaj senpage veturi per aŭtobusoj de 969 linioj. Ankaŭ la ŝtataj vidindejoj en diversaj lokoj de Ĉinio senpage malfermiĝas al pli-ol-70-jaraj maljunuloj. Tio enkorpigas prizorgon de la ŝtato al maljunuloj kaj varmigas nian koron.
|
 |
| Renkontiĝo de kunlernantoj | En la sezonoj, kiam floras persikarboj, tulipoj, peonioj kaj krizantemoj, mi kaj mia edzino invitas emeritajn amikojn al parkoj por spekti florojn. Ĝenerale ni restas tie la tutan tagon. Ni piknikas, babilas pri ŝtataj aferoj kaj familiaj bagateloj kaj intersanĝas diversajn informojn.
|
 |
| En domo por maljunuloj | Menciinde estas, ke la Ĉina Internacia Eldona Grupo, en kiu ni laboris, konstruis domon por maljunuloj, kie ni povas legi librojn kaj gazetojn, fari korpoekzercadon, ludi bilardon, maĝangon, ĉinan ŝakon ktp.
Jen mia feliĉa vivo en maljuneco.
Redaktoroj: Liu Sigong kaj Niu Xueqin |
