| 2010-05-07 Japana samideano Sawaya Yŭiti, delegito de UEA por la urbo Date, Hokkaido, Japanio, vizitos Ĉinion en majo. Li laboris kiel instruisto kaj emeritiĝis antaŭ 3 jaroj. En 1992, li vizitis Ĉinion kaj konatiĝis kun ĉinaj samideanoj dum la 5-a Pacifika Kongreso de Esperanto okazinta en Qingdao, Shandong-provinco en orienta Ĉinio.
En la 8-a de majo li ankoraŭfoje flugos al Ĉinio kaj vojaĝos ĉefe en Shandong-provinco, renkontiĝos kun tieaj esperantistoj. Poste, li veturos de Shandong al Pekino, vespere de la 18-a de majo. En Pekino li vizitos la oficejon de la Ĉina Esperanto-Ligo, la redakcion de El Popola Ĉinio kaj E-sekcion de Ĉina Radio Internacia, kaj renkontiĝos kun lokaj samideanoj.
Post la vizito al la urbo Tianjin en la 20-a de majo, li adiaŭos Ĉinion kaj forflugos al Japanio matene de la 22-a de majo.
(Kontribuo de Yu Changlin el Shandong, Ĉinio)
Redaktoro: Wang Lihua
|
