| 2010-05-18
De la 16-a ĝis la 22-a de aŭgusto 2010 okazos en la urbeto Jambville [Ĵamvil] en la pariza regiono, Francio, la jara renkontiĝo de SEL ("Systèmes d' Échange Local" en la franca) aŭ en Esperanto, LIS ("Loka Interŝanĝa Sistemo"). Informoj en la franca lingvo troveblas ĉe: http://intersel.apinc.org/spip.php?article1111, kaj sampaĝe, vi trovos la aliĝilojn en la franca, angla, hispana, itala, germana kaj Esperanta.
Ĉar tiu ĉi renkontiĝo estas malfermata al partoprenantoj de ĉiuj interŝanĝaj sistemoj (LIS aŭ aliaj), dankon pro disvastigo de tiuj informoj al koncernatoj.
Informu al Elizabet Barbay, kunorganizanto de la jara inter-LIS renkontiĝo, se vi intencas partopreni kaj, laŭplaĉe, pretas starigi atelieron (ekzemple pri Esperanto) kunlabore kun vi.
------------------------------------
Rimarko HM:
Jam ekzistas ĝermo (tio estas nur baza artikoleto) pri SIL ĉe
http://eo.wikipedia.org/wiki/Loka_intersanga_sistemo;
Estas dezirinde ke, por la okazo, vikipediisto sperta pri ekonomio kaj SIL redaktu pli detalan artikolon surbaze de tio, kio jam ekzistas.
Pri Vikipedio mem: estas reala risko, ke la Esperanto-versio de Wikipedia perdu sian 22-an lokon profite al la dana. Reduktiĝas la diferenco en la nombro de artikoloj inter la dana kaj Esperanto: de 500 kaj kelkdeko, ĝi reduktiĝis al 462...
(Kontribuo de Henri Masson el Francio)
Redaktoro: Wang Lihua
| 
