| 2010-07-16
La 15-an de decembro 2010 estas nia paĝaro 8-jara. Ni tre ĝojas, ke ni povas dividi tiun feston kun vi raportante pri prospero kaj bonaj rezultoj.
Dum tiu periodo en nia komunumo jam kolektiĝis 1778 personoj el 101 landoj, multaj el ili regule uzas niajn servojn kaj estas helpataj en sia instrulaboro.
Duoncento da kolegoj sendas siajn kontribuojn proponante ilin al komuna uzo. La usona poresperanta fondaĵo ESF kun dekmiloj da eŭroj financis la konstruon kaj funkciigas nian mondskalan klerigservon.
Ni invitas vin tralegi en la suba listo la resuman prezenton pri la plej gravaj servoj kaj partopreni en nia jubilea festo.
Vi povas esprimi vian opinion en la Gastlibro kaj laŭeble subteni la paĝaron per mondonaco, per kiu ni ŝatus ebligi la pluan sen-membrokotizan funkciigon de la servoj.
Jen la ĉefaj servoj kaj iliaj ligiloj alklakeblaj:
Helpiloj por instrui, lerni
Pretaj lecionoj, kursmaterialoj kun multkriteria serĉo (jam 533 ekzercoj, elŝutitaj 98 900-foje) -- Lerniloteko
Detala prezento de eldonitaj, aĉeteblaj libroj, lernomaterialoj (371) -- Katalogo
Memtaksado, ekzamenoj laŭ novaj eŭropaj normoj legeblas ĉe la REFERENCKADRO-paĝo.
MAZI -- 36 detalaj lecionplanoj kun cento da ekzercoj -- Metiejo
Pasporto al la tuta mondo -- ekde septembro lecionplanoj kaj novaj ekzercoj aperas ĉiusemajne -- Metiejo
Kunvojaĝu -- plurdeko da ekzercoj, materialoj por la unuaj 12 ĉapitroj -- Metiejo.
Filmejo kun cento da filmmaterialoj el diversaj fontoj -- FILMEJO.
Instrumaterialoj, afiŝoj, fotoj, ludiloj, ideoj, trukoj -- Metiejo
Kursomaterialoj -- el la DUA VIVO.
Regule aperantaj kaj sendataj interesaj artikoloj kun aldonaj ekzercoj (je diversaj niveloj) -- Monda Mozaiko
Vi povas instrui kaj ekscii interesaĵojn pri lingvoj en la sekcio --TAGO de LINGVOJ.
En nia nova IPERNITY -- surfaco vi trovas filmitajn kaj analizitajn lecionerojn -- IPERNITY
Pluperfektiĝo, ekzamenoj:
Aliaj retejoj por studi, kontaktiĝi, informiĝi -- Retligiloj
Pedagogiaj kaj lingvopolitikaj artikoloj, studoj, diplomlaboraĵoj, akademiaj cirkuleroj, elŝuteblaj lerniloj -- Legejo
Kalendaro de aranĝoj -- Kursoj
Novtipaj ekzamenoj de UEA (laŭ la Komuna Eŭropa Referenckadro
ILEI/UEA ekzamenoj, reguloj, sesioj, specimenoj ) -- Internaciaj Ekzamenoj
Dokumentoj, specimenoj pri naciaj ekzamensistemoj -- Landaj Ekzamenoj
Kunlaborebloj, kontaktoj
Viaj novaĵoj, alvokoj -- Anoncoj
Korespondpetoj (ĉ. 550 individuaj, 33 grupaj, kun rapida serĉilo) -- Koresponda servo
Listo de oficiale akceptitaj kursoj (videblas ankaŭ la uzataj materialoj) -- E-lernejo
Resuma paĝo kunigas la kurantajn --LINGVOLERNIGAJN--projektojn.
Informŝanĝoj, diskutejo -- Forumo
Trovi -- proponi instruservojn (sinprezento de 26 instruhelpaj kolegoj) -- Kursgvidantoj
Informiĝo, orientiĝo pri la paĝara laboro kaj la teamo:
Atentindaj novaj artikoloj, libroj, eventoj (ĉiutage ŝanĝiĝas) -- Aktualaĵoj
Listo de ŝanĝoj, novaj artikoloj, ĉiutage aktualigita parto -- Novaj eroj
Ĵus konstruita RSS-fluo (butono tuj ĉe la logotipo!) ebligas al vi aboni aŭ je unu klako ekscii la plej laste enmetitajn erojn de la paĝaro -- RSS-fluo.
Klarigoj pri la uzo de la paĝaro -- Helpopaĝo
Prunteblaj alilingvaj informoj pri edukado.net -- Multlingvaj informoj
Serĉo de temoj, artikoloj laŭvorte, laŭteme -- serĉilo en la supra parto de la paĝaro
Skribu vian opinion pri
Esperanto-libroj, lerniloj -- Katalogo
Eldonitaj lerniloj, materialoj -- Lerniloteko, Metiejo
Utilo, enhavo de la paĝaro -- Gastlibro
Eraroj, problemoj-- Mi rimarkis, ke...
La servoj estas senpagaj, sed por la plenaj elŝutebloj kaj alŝuti materialojn kaj informojn de ĉiuj sekcioj NECESAS ESTI membro kaj ensaluti.
Pri novaj eroj, funkcioj kaj informoj eblas mendi mesaĝan averton.
La paĝaro estas ĉiutage kontinue flegata, aktualigata, kaj al mesaĝoj la redaktoro tre rapide reagas.
Se vi volas vidi, kiuj ebligas tiun helpon, rigardu la sekcion -- Teamo.
Ni petas vin kontribui (laŭ viaj ebloj) al la funkciigo de la paĝaro per mondonaco por ke ni ne bezonu enkonduki membrokotizon por ĉiu uzanto.
Vidu la paĝon: Subtenu nin kaj skribu al redaktanto@edukado.net. Dankon.
Katalin Kováts
（el http://www.edukado.net）
Redaktoro: Li Jianhua
| 
