| 2010-07-26
La 83-a Kongreso de SAT okazos inter la 1-a kaj la 6-a de aŭgusto 2010 en Braŝovo, Rumanio. La kongresa temo estas: "Ekonomia krizo -- Kiam la venonta?". Kongresejo, Liceo "Andrei Ŝaguna" -- festa salono, troviĝas en la centro de la urbo Braŝovo.
Informoj pri la kongreso estas troveblaj ĉe: SAT kongresos en Braŝovo en aŭgusto 2010.
ATENTU:
Tiuj, kiuj bezonas enirvizon al Rumanio, bonvolu memprizorgi por obteni ĝin. OKK povas sendi nur invitleteron post la ricevo de la pasportnumero sur la aliĝilo. Al nealiĝantoj OKK ne sendas invitleteron.
Pri la kongresa urbo
Braŝovo estas urbo en Rumanio kiu situas en suda Transilvanio, 168 km. norde de Bukareŝto. Ĝi estas la ĉefurbo de la samnoma distrikto kaj unu el la ĉefaj industriaj urboj de Rumanio. En 2009 ĝi havis 278 048 loĝantojn (hungaroj, rumanoj, germanoj, ĉeĥoj, slovakoj, ciganoj). Ĝis 1919 ĝi apartenis al Hungario. En la jaro 1749 en tiu urbo fondiĝis la unuaj du loĝioj de framasonismo en la tiama Hungarujo.
Pli detalaj informoj pri la kongreso tre baldaŭ venos. Intertempe, por fari al vi ideon pri la etoso dum SAT-Kongreso, eblas legi la jenan raporton pri la 2009-a kongreso, okazinta en Milano.
(Kontribuo de Henri Masson el Francio)
Redaktoro: Wang Lihua
| 
