| 2010-07-29 La Premio estis starigita en la Jubilea Jaro 1987 per donaco de Oomoto por ĉiujare distingi agadon, kiu per Esperanto antaǔenigas la internacian amikecon kaj solidarecon en la spirito de L.L. Zamenhof kaj Onisaburo Deguchi. Pri la laǔreato de la Premio, kiu konsistas el diplomo kaj monsumo de 2000 eǔroj, decidas la Estraro de UEA.
La ĉi-jara premio estis aljuĝita al franca esperantisto kaj mondcivitano Philippe Chavignon pro lia longtempa agado en multaj landoj de Afriko kaj Latina Ameriko, en projektoj Indiĝenaj Popoloj kaj ekoturismo, kaj aliaj.
UEA honoras ankaǔ la artan agadon.
Dum la ĵusa UK estis establita ankaǔ nova diplomo pri "elstara arta agado". Kiel la nomo diras, la nova diplomo premias eminentan kontribuon al la Esperantaj kulturo kaj arto. La ĉi-jarajn diplomojn ricevis
- aktorino Georgina Almanza en Kubo,
- aktorino Vida Jerman en Kroatio,
- korusestrino Franjo Léveque en Francio,
- aktoro Sasxa Pilipović en Serbio,
- verkisto Trevor Steele en Aǔstralio,
- kaj verkistino Spomenka Štimec en Kroatio.
Gratulojn al la honorigitoj!
laǔ GK-391 de UEA
(el Ret-Info) | 
