| 2010-08-04
|
Fakkunsido |
La 4an de aŭgusto okazis fakkunsido en la seminario en Taiyuan. Gong Xiaofeng, prezidantino de la ĉina sekcio de ILEI, faris laborraporton de ĉina sekcio de ILEI, kaj anoncis, ke de la 8a ĝis la 15a de aŭgusto 2011 en Tianjin okazos la venonta seminario de la sekcio kaj samtempe okazos la 1-a seminario de ĉina, japana kaj korea sekcioj de ILEI. La kunsido ankaŭ elektis Liu Baoguo vicprezidanto kaj ĝenerala sekretario de ĉina sekcio de ILEI, Zou Jin kasisto, Cui Jiayou kaj Xiong Hui redaktoroj de ĝia revuo. La kunsido planas, ke la sekcio starigos retpaĝaron kaj revuon, kaj kreskigos ĝiajn membrojn.
Antaŭ la fakkunsido Han Zuwu, prezidanto de la Tianjin-a Esperanto-Asocio, koncize konigis al la ĉeestantoj la urbon Tianjin kaj Tianjin-an Esperanto-Asocion. Luan Huiqin, vicprezidanto de la Tianjin-a Esperanto-Asocio kaj prezidento de LKK por la venonta seminario en Tianjin, prezentis al la ĉeestantoj la Tianjin-an Fremdlingvan Universitaton.
(Raportis Liu Zijia)
|
