Malnova Paĝaro >>>
Tago: Monato: Jaro:
Serĉu laŭ dato:
 
Reago al raportoj pri la koto-ŝtona fluo en Zhouqu (VII)
2010-08-17

    Josip Pleadin (Kroatio)

 

    Estimata redaktoro,

 

    Dum jaroj mi estis leganto kaj abonanto de "El Popola Ĉinio", kiam ĝi aperadis kiel papera revuo. La unuajn paŝojn en Esperanto mi faris ĝuste per legado de tiu interesa kaj bele presita periodaĵo. Nun la binditaj jarkolektoj (mankas nur malmultaj!) kuŝas sur la bretoj de la societo "Dokumenta Esperanto-Centro", kiun mi fondis.

 

    Kiel aktiva esperantisto, de tempo al tempo mi vizitadas ankaŭ la retejon de la nuntempa "El Popola Ĉinio", eksciante tie novaĵojn pri via lando, ĝeneralaj eventoj en la mondo kaj pri la Esperanto-movado. Tio kompletigas mian bildon pri la mondo, riceveblan per spektado de nacia televido kaj legado de nacilingvaj ĵurnaloj. Tio ankaŭ grave kompeletigas mian superrigardon pri la aktuala stato de la Esperanto-movado.

 

    Lastatempe mi rigardis ankaŭ la fotojn pri la terura tragedio kaŭzita per inundoj en via lando. Ion similan mi neniam vidis! Estas nekredebla forto de la naturo, kaj la elĉerpiga lukto de la ĉina popolo kontraŭ ĝi. Laŭ mia sperto, en la nuntempa mondo, kiam potencialaj legantoj estas superŝutataj per amaso da informoj, la maniero de informado uzata de "El Popola Ĉinio" estas tre oportuna. Ne vane oni diras ke "unu bildo parolas pli bone ol mil vortoj"! Bone ilustritaj informoj kun mallonga, sed informriĉa teksto, pli forte allogas legantojn ol multvortaj artikoloj neilustritaj. Kun plena respekto al vi kiel redaktoro, kaj viaj kunlaborantoj, mi kuraĝas rekomendi vian retejon al miaj Esperanto-amikoj.

 

    Esperante ankoraŭ longe povi legi la retejon de "El Popola Ĉinio", mi esprimas mian sinceran kondolencon al la familioj de la pereintoj en la tragediaj inundoj en via lando.

 

(Redaktoro: Jin Chenxi)

 
Lastatempe eldoniĝis la papera“Espero.com.cn 2009".Ĝi estas 49-paĝa revuo kun formato de 22x28 cm, kolektante pli ol 100 fotojn modernajn kaj historiajn kaj pli ol 20 interesajn artikolojn, prezentas al la legantoj la ĉinan vivon, kulturon, ekonomion kaj informojn pri Esperanta movado.
Pliaj
E-novaĵoj E-forumo
E-organizoj E-historio
Kalendaro E-libroj
Ludejo E-lernado
Kiu estas kiu en E-ujo

 





 

Harmonio Pliaj


 
   
     
Retpoŝte al ni
Konstanta leĝo-konsilanto de El Popola Ĉinio: fama ĉina advokato Yue Cheng