| 2010-08-31 Dum mallonga tempo multon vidi, sperti: tio sukcesis al la 15-membra grupo el Ruslando. Per la organiza helpo de la Interkultura Centro Herzberg (Zsófia Kóródy, Peter Zilvar kaj pluraj klubanoj) la gastoj ricevis gvidatan urborigardadon, vizitis la Esperanto-Centron (bibliotekon, arkivon), havis komunan vespermanĝon, tranoktis favorkondiĉe, ĝuis bonetosan, bongustan matenmanĝon preparitan de lokaj Esperanto-amikoj, vizitis la Zamenhof-monumenton, la kastelon kaj la Esperanto-ekspozicion.
Jam tiu mallonga tempo sufiĉis por interesaj interparoloj, amikiĝo. Karaj geamikoj, havu pluan sukcesan rondvojaĝon en Eŭropo kun multaj belaj travivaĵoj -- kaj vizitu nin denove, pli longe! Jen memorfotoj en nia albumo.
|
Alveno al la Interkultura Centro Herzberg |
| |
|
Petro Zilvar prezentas la Esperanto-Centron, bibliotekon kaj arkivon al la gastoj. |
| |
|
Komuna vespermanĝo en greka restoracio -- la Esperanto-salato bone gustas! |
| |
|
Zamenhof allogas la vesperajn vizitantojn. |
| |
|
Komuna matenmanĝo kun ICH-organizantoj kaj lokaj klubanoj: tempo por babilado, rakontoj, informinterŝanĝo |
| |
|
Otto Kern gvidas la grupon al la kastelo kaj rakontas pri la Welf-oj, germana historio, ktp. |
| |
|
Elektronika gvidsistemo aldonas multajn informojn pri la kastelo, historio, arkitekturo al scivolemuloj. |
| |
|
Ekspozicio pri Esperanto kaj Zamenhof en la supra etaĝo de la kastela muzeo allogas la Esperanto-amikojn. |
| |
|
Herzbergaj kaj rusiaj organizantoj adiaŭas kaj planas pluajn estontajn kontaktojn. |
| |
|
Ĝis revido, karaj geamikoj! Dankon Svetlana pro la bona organiza laboro kaj ebligo al la grupo tiun viziton al la Esperanto-urbo! |
(el Esperanto-urbo)
Redaktoro: Wang Lihua
.
|
