| 2010-09-10 Post du semajnoj mi foriros al Indonezio por, same kiel pasintjare, instrui Esperanton kaj fari esplorojn pri la Esperanto-movado en Indonezio. Aldone mi partoprenos la Mondan Vegetaranan Kongreson, en kiu TEVA (Tutmonda E-ista Vegetarana Asocio) havos budon por informi la kongresantojn pri Esperanto.
Por la instruado al kelkcent homoj mi jam sendis al Indonezio indoneziajn ŝlosilojn, Poŝamikojn kaj Bazajn Ilustritajn Radikarojn, tamen ne en sufiĉaj kvantoj.
Feliĉe Komisiono pri Azia E-Movado konsentis bele subteni la projekton, same kiel pluraj malavaraj privatuloj, al kiuj mi kore dankas.
Por tiuj, kiuj interesiĝas pri la vojaĝo, eblas sekvi min ĉe la blogo ĉe retejo kiu traktas plurajn aspektojn de "Esperanto en Indonezio".
Antaǔdankon,
Heidi Goes
http://www.facebook.com/group.php?gid=205294336248
http://www.ipernity.com/doc/edukado.net/home/video
(el Ret-Info)
Redaktoro: Niu Xueqin | 
