| 2010-10-08
Letervesperu en 2750-jara Samarkando.
Okaze de la Tago de la urbo Samarkando en la 14-a de oktobro 2010, la Internacia Muzeo de Paco kaj Solidaro (IMPS) kunlabore kun la urba departamento pri kulturo kaj la regiona filio de la Unuiĝo de Verkistoj de Uzbekio organizas la publikan poezian vesperon "Samarkando -- Muzo de Poetoj" kaj la konkurson pri la plej bona poemo pri Samarkando. La konkursaĵoj povas en ĉiu ajn lingvo, do ankaŭ en Esperanto.
Kadre de la evento okazos ankaŭ la internacia letervespero prizorgata de lokaj esperantistoj. Ni atendas viajn gratulmesaĝojn kaj kuraĝigojn, kiujn ni prezentos dum la vespero kaj publikigos en nialanda gazetaro. Same estas atendataj viaj eltrovaĵoj vialande kaj aliloke pri ĉiuspecaj objektoj portantaj la nomon "Samarkand" aŭ ion similan (libroj, poemoj, kantoj, pentraĵoj, stratoj, vendejoj, restoracioj, hoteloj, komunumoj, kompanioj, ŝipoj, varoj ktp ktp).
Bonvolu retpoŝtigi viajn salutmesaĝojn okaze de la Tago de Samarkando ktp plejeble baldaŭ al: imps86 @ yahoo.com.
Anticipan dankon por viaj kontribuoj!
(Kontribuo de Henri Masson el Francio)
Redaktoro: Wang Lihua | 
