| 2010-10-11 La Interkultura Centro Herzberg (ICH) grave kontribuis al la 3-landa kunordigita ago-tago por interpopola kompreniĝo kaj kontraŭ rasismo. La evento okazis enkadre de la grandprojekto "Vielfalt tut gut" (Bunteco bonas), en kiu partoprenis Osterode am Harz kun siaj ĝemelurboj: Ostrode (PL) kaj Scarborough (GB) kaj Herzberg am Harz kun sia ĝemelurbo Góra (PL).
La ĉefa kunveno okazis en la meza lernejo en Herzberg la 24-an de septembro kun multaj interesaj programeroj: muziko, dancoj, prezentadoj, ekspozicio, ktp. Je 14:30 en 5 urboj samtempe oni ekflugigis milojn da aerbalonoj kun la teksto "kontraŭ rasismo" en la germana, angla, pola kaj plej grandlitere en Esperanto.
Bildraporton vi povas vidi sur la urba hejmpaĝo de Herzberg kaj Góra, bildojn el la partnerurboj en nia albumo, kaj jen filmeto.
|
Muro de bunteco kun la Esperanto-flago restos kiel memorigilo pri la interpopola kompreniĝo. |
| |
|
Bone videblas teksto en Esperanto. |
| |
|
La unuaj pretaj balonoj en la Interkultura Centro Herzberg |
| |
|
Lernejanoj, Esperanto-klubanoj, gastoj dum la posttagmeza evento |
| |
|
Bone organizita agado kun la ĝemelurbo Herzberg kaj aliaj partneroj |
| |
|
Organizantoj, lokaj Esperanto-klubanoj, instruistoj, gastoj zorgis pri la sukcesa ago-tago. |
| |
|
Kelkaj gravuloj: urbestro Gerhard Walter (la tria de maldekstre), la direktorino de la lernejo (la dua de dekstre) kaj Peter Zilvar de ICH (dekstre) |
| |
|
Programo dum la tuta posttagmezo: dancoj, kantoj, kulturo de diversaj nacioj prezentitaj |
| |
|
Kelkaj el la Esperanto-organizantoj, kontribuantoj al la taga programo |
| |
|
Esperanto-reklamo ankaŭ sur la barilo |
| |
|
Flugigo de balonoj de la lerneja korto |
| |
|
Samtempe en 3 landoj ekflugas balonoj kun Esperanto-mesaĝo |
(el Esperanto-urbo)
Redaktoro: Wang Lihua
|
