| 2010-10-26 Amika grupo, reprezentantoj de la Interkultura Centro Herzberg (ICH) partoprenis la tradician aŭtunan kunvenon ANABEL, organizitan en Halle de Esperanto-amikoj en Saksio.
En la tuttaga programo estis babilado dum memfarita matenmanĝo, komuna fotado, gvidata urborigardado en belega, suna vetero, prelegoj, kantado kaj diskutado dum posttagmeza kaftrinkado.
Zsófia Kóródy kaj Peter Zilvar multon rakontis pri la agado, eventoj en Herzberg kaj projekciis fotojn pri la vivo kaj vidindaĵoj en la Esperanto-urbo. Pri la bonetosa renkontiĝo bonvolu vidi la subajn fotojn kun rilataj notoj.
|
Grupfoto por memori la agrablan tagon |
| |
|
Halle allogas nian grupon |
| |
|
Nia ĉiĉerono detale kaj interese rakontis pri la vidindaĵoj |
| |
|
Jörg Gersonde, la ĉeforganizanto de la taga programo bone zorgis pri nia bonfarto |
| |
|
Zsófia Kóródy kaj Peter Zilvar prelegis pri Esperanto-urbo kaj pri la multflanka laboro de Interkultura Centro Herzberg |
| |
|
Babilado, diskutado, interesaj temoj dum la kunveno |
| |
|
Bele rekonstruita urbo, kie tradicia kaj moderna konstrustiloj kunvivas |
| |
|
Mirindaj turoj, simboloj de la urbo |
| |
|
La plej juna partoprenintino: ŝi ne krokodilis! Eĉ parolis al la krokodilo en Esperanto! |
(el Esperanto-urbo)
Redaktoro: Wang Lihua
|
