| 2010-11-05 Por festi la 151-an datrevenon de la naskiĝo de Zamenhof, la verkinto de Esperanto, en la 17-a kaj 18-a de decembro Guangdong-a Esperanto-Asocio (GEA) okazigos en la ĉemara urbo Zhanjiang, E-renkontiĝon. Laŭ la projekto la renkontiĝo kun temo “ Esperanto, paco, interŝanĝo, amikeco, disvolviĝo kaj harmonio” enhavos interkonan vesperon, diskutadon pri la temo, turismo k.s. Nun la organizantoj estas preparantaj la renkontiĝon kaj invitas e-istojn el aliaj lokoj por partopreno al tio. En la lastaj jaroj GEA aktivas en ĉina esperantujo, en 2007 ĝi en Kantono sukcese gastigis la 7-an Ĉinan Kongreson de Esperanto.
(Chen Ji)
|
