| 2010-11-22 Intensa lingvoekzercado okazis dum semajnofino de mateno ĝis vespero inter la 12-a kaj la 14-a de novembro, 2010, kun Zsófia Kóródy kaj Peter Zilvar, parolado pri interesaj ĉiutagaj temoj, ludema lernado de novaj vortoj, diskutado pri gramatiko, testoj en la nivelo B-1, gvidado en la Esperanto-urbo, vespera amuzado en la Esperanto-domo, filmoj, fotoj kaj prezentadoj -- multo por la cerbo, sed ne mankis memfaritaj bongustaĵoj por la stomako.
La fotoj sube montras mallongan resumon pri bonsukcesa kurso de la Interkultura Centro Herzberg. Bonvenon al la sekva inter la 11-a kaj 13-a februaro 2011, kun ekskurso al la vintra Harz-montaro!
(el Esperanto-urbo)
Redaktoro: Wang Lihua
Ne estas matematika leciono, temas pri amuza sinprezentado, diven-ludo. |
| |
|
El la kursanoj fariĝas kontribuantoj, prelegantoj. |
| |
|
Gabriella Óturai rakontas pri sia studvojaĝo al Usono. |
| |
|
La diligente lernanta grupo |
| |
|
Legoma nudelo por la kursanoj pretigita de Zsófia |
| |
|
Oni rakontis al Zamenhof pri la sukcesa semajnofino. |
|
