| 2010-12-09 Klubanoj kaj amikaro de la Interkultura Centro Herzberg vizitis la faman kristnaskan bazaron en Erfurt kaj enrigardis la kafejon “Esperanto” en la urbocentro. Bedaŭrinde ĝi uzas nur la nomon sed ne ofertas siajn servojn en la internacia lingvo Esperanto. Ni transdonis al la kunlaborantoj Esperanto-flageton, varbilojn, informilojn pri Esperanto.
La reston de la tago ni pasigis per urborigardado kaj per vagado inter la amaso de vendobudoj. Ni ĉiuj ĝuis la antaŭfestan atmosferon, la viglan urban vivon, la bele dekoraciitan ĉirkaŭaĵon. Ni ĝoje rimarkis la multajn verdajn stelojn, kiujn oni fiksis al lampoj en la tuta urbo (ĉu por saluti nian Esperanto-delegacion? Bonvolu rigardi la fotojn sube.
(el Esperanto-urbo)
Redaktoro: Wang Lihua
|
Klubanoj ekveturas: aventuroj atendas ilin en Erfurt. |
| |
|
La urbo bele preparis sin por akcepti Esperanto-gastojn! |
| |
|
Vizito al la Kafejo Esperanto |
| |
|
Multaj steloj montras al ni la vojon al la kristnaska bazaro. |
| |
|
Ankoraŭ mallonga “salto” kaj ni alvenos al la granda vendoplaco. |
| |
|
Sceno kiel en fabeloj |
| |
|
Lumo, nia korea gasto, miras pri la granda nuksrompilo. |
| |
|
Impone granda rado allogas vizitantojn. |
| |
|
Indis viziti ĉion: katedralojn, vendobudojn. |
| |
|
Spektu ilin en vespera lumo. |
| |
|
Lumo kun Petro ĝojas: neniu klubano perdiĝis en la bazara tumulto. |
| |
|
Ĝis revido bela urbo, bela tago! |
| 
