| 2010-12-31
Karaj legantoj,
Baldaŭ sonoros la sonorilo por festi la Novjaron 2011. Ĉe la sojlo de la nova jaro, ni - la tuta personaro de El Popola Ĉinio elkore salutas vin kaj deziras al vi feliĉan kaj agrablan Novjaron!
En 2010 El Popola Ĉinio per pli ol mil artikoloj raportis diversajn flankojn de Ĉinio kaj E-aktivadojn de nia lando kaj aliaj partoj de la mondo. Kaj kun dankemo ni ricevis de vi tre valorajn kontribuaĵojn, informojn kaj proponojn, kiuj multe helpis al ni riĉigi la enhavon de nia retejo kaj plibonigi nian laboron. Kun viaj tiuj kontribuaĵoj kaj informoj venas ankaŭ viaj sinceraj bondeziroj, kiuj ege varmigas nian koron.
Dankon al vi, niaj karaj legantoj, via konstanta vizitado al nia retejo por ni ne nur estas granda plezuro, sed ankaŭ forto kaj instigo por ke ni pli diligente laboru por EPĈ. Nun jam ekfunkciis la videa novaĵo en nia ĉefpaĝo, kaj la retpaĝoj de tempo al tempo ĝisdatiĝis. Novaj ŝanĝoj al ĝi estos atenditaj en 2011.
Refoje kun granda dankemo ni deziras al vi agrablan Novjaron!
La Red.
| 
