| 2011-01-11
|
Zeng Tao (desktre)
|
|
|
|
Kunvenejo
|
|
|
|
Grupa foto
|
La 29a Komuna Seminario (KS) kun la temo "komunikiloj inter junaj esperantistoj" okazis inter la 18a kaj 20a de decembro 2010 en Hanojo, Vjetnamio. Ĉirkaŭ 30 esperantistoj el Ĉinio, Indonezio, Japanio, Koreio kaj Vjetnamio ĉeestis en la seminario.
Posttagmezo de la 18a estis la unua tago por akcepti esperantistojn. Hoanh Phi prezentis senmedikamentan kuracmetodon (Yumeho-metodo) per PPT, kaj li praktikis al gastoj. S-ro Hori Jasuo prezentis la kialon de Yumeho-metodo, kaj ĝia funkcio al la korpo. Sekve vjetnama fraŭlino Nepo instruis vjetnaman lingvon al ĉeestantoj.
Minh Trang prezidis la interkonan vesperon. Vjetnamaj esperantistoj dancis kaj kantis, kaj montris diversajn naciajn kostumoj. Ĉiuj ludis.
S-ino Nguyen Hoang Van, estro de Multflanka Departemento de VUAO (Vjetnama Unio de Amikecaj Organizoj), legis salutparolon en la inaŭguro en la 19a de decembro. S-ro Nguyen Van Loi, prezidanto de VEA (Vjetnama Esperanto-Asocio), bonvenigis ĉiujn ĉeestantojn al la seminario. Delegitoj de diversaj landoj sin prezentis. Delegitoj el Vjetnamio kaj Indonezio prezentis la junularan movadon pri siaj landoj. Posttagmeze oni diskutis pri la temo de la seminario. Dividiĝis tri grupoj kaj s-ro Hori Jasuo resumis la konkludon. Li emfazis, ke Esperanto estas lernebla lingvo, kaj ni ankaŭ povas uzi interreton por kontaktiĝi kun esperantistoj el diversaj landoj. Poste li prezentis la tamburinojn de diversaj landoj. Fine Fuĵimori Kohei el Japanio prezentis japanajn vestojn.
La 20a de decembro oni vizitis ceramikan bazaron en Hanojo. Oni povis fari ceramikojn en iu ceramika fabriko. Phuong donis ceramikajn memoraĵojn al ĉiuj gastoj.
La evento estas ne nur kunveno, sed ankaŭ bona ŝanco por ke ni bone konu la kulturojn de diversaj landoj kaj plifortigu amikecon inter la aziaj popoloj.
La venonta KS okazos en Suda Koreio.
(Zeng Tao)
Redaktoro: Liu Zijia | 
