| 2011-09-01 Antaŭtagmeze de la 27-a de aŭgusto la Ŝanhaja E-Asocio kaj la grupo Haohan okazigis la diplomiĝan ceremonion de la elementa E-kurso kaj la renkontiĝon de la E-kursanoj de la Ŝanhaja Fremdlingva Universitato. La ceremonion ĉeestis s-ro Wang Minhao, prezidanto de la Ŝanhaja E-Asocio, s-ro Zhou Tianhao, vicprezidanto kaj ĝenerala sekretario de la asocio, s-ro Chen Guoqing, direkcia prezidanto de la grupo Haohan, ĝin partoprenis ankaŭ la E-kursanoj, membroj de la asocio, E-kursanoj de la antaŭa vespera lernejo de la Ŝanhaja Fremdlingva Universitato kaj alilanda samideano Saed Abbasi Ramona, kiu estas en la urbo Ŝanhajo.
Tiu ĉi E-kurso estis iniciatita de s-ro Chen Guoqing kaj ĉiuj ĝiaj lernantoj estas junaj laborantoj de la grupo Haohan. La E-kurso komencita en decembro 2010 funkciis en postlabora tempo po 2 fojoj semajne. Kiel ĝia instruisto servis s-ro Wang Minhao. Post 4-monata lernado, la kursanoj posedis fundamentajn sciojn pri Esperanto kaj scipovis interparoli en Esperanto.
En la diplomiĝa ceremonio faris paroladon s-roj Chen Guoqing, Wang Minhao kaj samideano Saed Abbasi Ramona, ankaŭ reprezentanto de la lernantoj Deng Mengyao prezentis sian lernadon en la kurso.
Parolas s-ro Wang Minhao (la dua de maldekstre), prezidanto de la Ŝanhaja E-Asocio. |
| |
E-kursanoj diplomiĝintaj |
| |
Ĉeestantoj de la diplomiĝa ceremonio |
(Kontribuo de Wang Minhao el Ŝanhajo)
Redaktoro: Wang Lihua
| 
