| 2011-09-05 Tri personoj el Herzberg veturis al la ĉi-jara ILEI-konferenco okazinta en Kopenhago. Zsófia Kóródy, prezidantino de AGEI (germana landa sekcio), prezentis la Germanan Esperanto-Centron/Interkulturan Centron Herzberg kaj prelegis pri la multkampa eduklaboro. Aliaj prelegoj ŝiaj temis pri projektoj, pri la KER-ekzamenoj kaj pri tio, kiel oni povas instrui simple kaj efike en naturaj cirkonstancoj.
Kiel estrarano de ILEI, Zsófia Kóródy partoprenis ankaŭ en la estrara kaj komitata kunsidoj. Ŝi invitis ILEI organizi la konferencon en la jaro 2013 en Herzberg am Harz, Germanio.
Ankaŭ Nepre, korea staĝanto ĉe ICH venis por spertiĝi en tiu ĉi grava internacia renkontiĝo kaj la tria kunveturanto estis Teresa Liberska, nova loĝanto en la Esperanto-urbo, kiu helpas la ILEI-administradon.
Ĉi-sube estas kelkaj fotoj pri la evento.
(el Esperanto-urbo)
Redaktoro: Wang Lihua
Grupfoto kun ILEI-partoprenantoj el ĉiuj kontinentoj |
| |
ILEI-estraro (Zsófia Kóródy ĵus fotas) dum la inaŭguro de la 44a konferenco en Kopenhago |
| |
Komitatanoj de ILEI kun estraranoj |
| |
Komitata kunsido kun sekciaj reprezentantoj el ĉiuj kontinentoj |
| |
Zsófia Kóródy kun s-ro Lee Jung-kee, prezidanto de la korea ILEI-sekcio |
| |
Stefan MacGill (ILEI-prezidanto) kaj Teresa Liberska (membro-administranto) dum komitata kunsido |
| |
Stefan kun la teknika helpo de Zsófia Kóródy prezentas novan instru-materialon kaj projekton "Esperanto 125". |
| |
Prelego de Zsófia Kóródy pri KER-ekzamenoj kun praktika ekzercado |
| |
Julian Hernandez, estrarano de ILEI, amuzas la publikon per belaj kantoj. |
| |
Dum sia metodika prelego Zsófia Kóródy laborigas la partoprenantojn. |
| |
Teresa (maldekstre) kaj Zsófia Kóródy (dekstre) en internacia amika rondo |
| |
Nepre, staĝanto ĉe la Interkultura Centro Herzberg kaj s-ro Lee Jung-kee |
| |
Solena fermo de la 44-a ILEI-konferenco: ILEI-estraranoj kun nova sekretario Trezoro (maldekstre) kaj Karsten Fledelius, profesoro de la kopenhaga universitato (meze) |
|
