| 2011-09-07
Esperantistoj distingiĝas en brazila jura mondo. La Prokuroro de la ŝtato Cearao César Barros Leal lanĉis la libron "Vigilância Eletrônica à Distância: Instrumento de Controle e Alternativa à Prisão na América Latina" (Distanca Elektronika Kontrolo: kontrolilo kaj Alternativo al Enprizonigo en Latin-Ameriko).
La verko estos eldonita ankaŭ en Esperanto. César Barros Leal estas doktoro pri Juro kaj post-doktoro pri Latin-amerikaj Studoj en la Aŭtonoma Nacia Universitato de Meksikio, profesoro en la Jura Fakultato de la Federacia Universitato de la ŝtato Cearao, ano de la Konsilantaro de Tut-Amerika Instituto pri Homaj Rajtoj, prezidanto de la Brazila Instituto pri Homaj Rajtoj kaj membro de la Beletra Akademio de la ŝtato Cearao. En 2002, li publikigis la libron "Enprizonigo: krepusko de erao", tradukita Esperanten de James Piton.
(el http://www.liberafolio.org)
Redaktoro: Wang Lihua
| 
