| 2011-09-08
En la inaǔguro de la ekspozicio |
| |
En la ekspoziciejo |
| |
Statuo de Yu Youren |
La 6-an de septembro inaǔguriĝis en la Halo de la Tutlanda Komitato de la Ĉina Popola Politika Interkonsiliĝa Konferenco ekspozicio de kaligrafaĵoj de Yu Youren por memori la 100-jaran datrevenon de la Revolucio de la Jaro 1911.
Yu Youren (11-04-1879 — 10-11-1964), hano, naskiĝis en la gubernio Sanyuan de Shaaxi-provinco kaj havis alian nomon "Taiping Laoren" (paca maljunulo) en sia maljuneco. Li estis membro de la Revoluciula Ligo. Sekvinte Sun Jatsen li dediĉis sin al revolucio kaj diskonigis proponojn de la burĝa revolucio. Li longtempe servis kiel altranga oficisto en la nacia registaro kaj loĝis en Taiwan en sia maljuneco, tamen li ĉiam sopiris al sia hejmloko en la kontinento.
Yu Youren lerta en poemverkado kaj kaligrafado estis unu el la plej eminentaj kaligrafoj en la moderna Ĉinio. Li estas ankaǔ fondinto de Fudan-universitato, Ŝanhaja Universitato kaj aliaj famaj universitatoj en la moderna Ĉinio.
Okaze de la cent-jara datreveno de la Revolucio de la Jaro 1911 la ekspozicio celas diskonigi patriotan penson de Yu Youren kaj akceli kulturan interŝanĝon de la du bordoj de Taiwan-markolo, disvastigon kaj disvolvon de la ĉina tradicia kulturo.
Redaktoroj: Zhang Shuang kaj Niu Xueqin
| 
