| 2011-09-14
En februaro 2010 ni komencis kompili kaj enretigi elektronikajn librojn (e-librojn). Nuntempe ĉi tie estas ok senpagaj e-libroj, unu aĉetebla e-libro (elŝutebla por konatiĝo kiel provlibro), kaj du numeroj de La Ondo de Esperanto en la dosierformoj (formatoj) pdf kaj epub.
Oni povas legi pdf-librojn en divers-specaj kaj divers-celaj komputiloj helpe de la senpaga legoprogramo Adobe Reader kaj de aliaj similaj programoj, troveblaj en la reto.
Ĉi tiuj libroj utiligas la teknologion de la “elektronika papero”; epub-librojn oni legas per multaj (sed ne ĉiuj!) specoj de legiloj (angle: e-book). Sed oni povas legi epub-librojn en komputilo helpe de, ekzemple, senpaga programo Adobe Digital Editions kaj de aliaj legoprogramoj. La uzantoj de Fajrovulpo (Firefox) povas legi epub-librojn en ĉi tiu retumilo helpe de la senpaga kromprogramo EPUBReader, kiu havas, interalie, fasadon en Esperanto.
La elektronikaj libroj, elŝuteblaj ĉi tie, estas nur por privata legado, ne por pludistribuo. Oni ne rajtas sen permeso de la aŭtoroj/tradukintoj kaj de la eldonejo Sezonoj republikigi ilin plene aŭ fragmente en iu ajn papera kaj elektronika formoj. Se niaj libroj plaĉas al vi, diskonigu la adreson de ĉi tiu paĝo.
Viajn komentojn, proponojn kaj demandojn sendu al ni retpoŝte.
La plej nova libro, Palto de Gogol, estis aldonita la 9an de septembro 2011.
(el http://esperanto.org/Ondo/Libroj/Libroj.php)
Redaktoro: Li Jianhua
| 
