| 2011-09-23 11 Esperanto-parolantoj el Herzberg partoprenis en la 96-a Universala Kongreso de Esperanto okazinta en Kopenhago.
Peter Zilvar kaj Zsófia Kóródy, reprezentantoj de la Interkultura Centro Herzberg (ICH), prezentis la 5-jaran Esperanto-urbon kaj la vastan agadon de ICH ne nur dum la Movada Foiro, sed ankaŭ en siaj prelegoj dum la Kleriga Lundo kaj la Tago de la Lernejo. La ĉeftemoj estis la lerneja instruado, internaciaj projektoj, la ĝemelurba kunlaboro kun Góra kaj la nova iniciato PUNTO pri bibliotekoj, arkivoj, muzeoj kaj edukcentroj.
Multaj informiloj, broŝuroj estis disdonitaj pri la eventoj en 2011 kaj 2012.
(el Esperanto-urbo)
Redaktoro: Wang Lihua
|
