| 2011-10-11
Se vi nekonas la retradion Muzaiko, nun estas duobla kialo dum la tuta dimanĉo kaj poste mardo aŭskuslti ĝin. Veronika Poór dum la Itala kongreso -- kie ankaŭ ŝi mem trapasis la KER-ekzamenojn -- faris intervjuon kun Katalin Kováts pri la ekzamensistemo kaj ties funkciado, celoj, atingaĵoj ktp. La intervjuo, post zorga teknika prilaboro de RIKKER Bálint pretiĝis kaj aŭdeblos en du partoj dimanĉon kaj mardon, en ĉiun trian horon ekde la 0a horo. En la posta tempo ĝin eblos trovi en la dosierujo.
Bonan aŭskultadon ĉe la tutempa tutesperanta tutvolontula retradio Muzaiko.
Jen la programo de la dimanĉo, 9a de oktobro 2011
00:00-01:00 UTC: Esperantistoj aktivas prezentas intervjuon kun Katalin KOVÁTS pri la novtipaj lingvoekzamenoj de UEA-ITK, bazitaj sur laKomuna Eŭropa Referenckadro
01:00-02:00 UTC: El la arĥivejo de Radio Verda Jessica Grasso elektis por vi interesaĵojn pri bicikloj
02:00-03:00 UTC: La programo de Esperantistaj muzikistoj prezentas intervjuon kun ĴomArt kaj Nataŝa
kaj tiuj 3 horoj ripetiĝos dum la tuta tago, do, je la 5a, 8a, 11a, 14a, 17a, 20a, 23a horoj laŭ la nederlanda horzono.
(el edukado.net)
Redaktoro: Chen Ji
| 
