| 2011-10-24
Nedeviga kurso |
| |
Sinjorino Chen Ping prezentas al 110 studentoj nian lingvon. |
| |
Sinjoro Liu Baoguo instruas nian lingvon Esperanto. |
La Scienc-Teknika Universitato de la Interna Mongolio, Ĉinio, daŭre aranĝis du nedevigajn E-kursojn kun 32 lernohoroj en la kuranta semestro. 258 studentoj lernas Esperanton kaj ricevos 2 studpoentojn post ekzameno. Sinjoro Liu Baoguo gvidas la unuan kurson kaj sinjoro Ma Jianming gvidas la duan. Paralele en ĉiu sabato-vespero iras libervola E-kurso por novaj membroj de la E-societo de la Scienc-Teknika Universitato de la Interna Mongolio. En la komenco de la libervola E-kurso, sinjorino Chen Ping prezentis al 110 studentoj nian lingvon. Sinjoro Liu Baoguo kaj sinjorino Chen Ping kune gvidas la libervolan kurson.
(Kontribuis Liu Baoguo)
Redaktoro: Liu Zijia
| 
