| 2011-11-09 Inter la 25-a kaj 27-a de novembro la 4-a Lushan-forumo de Esperanto okazos en la Nanchang-a Universitato de Jiangxi-provinco, suda Ĉinio. La forumon kun temo "Homo kaj Naturo--Verda Melodio" organizos la Jiangxi-a E-Asocio, kiu por la forumo aranĝos prelegojn, vizitojn, ekskursojn k.s. En 2008 la forumo estis iniciatita de la prezidantino de la Jiangxi-a E-Asocio Gong Xiangfeng, profesorino de la Nanchang-a Universitato por plivigligi la E-movadon kaj altigi la lingvonivelon de e-istoj de la provinco. En la pasintaj 3 jaroj la forumo estis bonvena de e-istoj ne nur de la provinco Jiangxi, sed ankaŭ de Hubei, Hunan kaj aliaj ĝiaj najbaraj provincoj.
(Raportis Chen Ji) |
