| 2012-01-12
Wen Jiabao kaj Lee Myung-bak intervidiĝas. |
La 10-an de januaro en Pekino ĉina ĉefministro Wen Jiabao intervidiĝis kun sudkorea prezidento Lee Myung-bak. Wen Jiabao diris, ke en la pasintaj 20 jaroj post starigo de la diplomatiaj rilatoj inter Ĉinio kaj Sud-Koreio, la du landoj fortigis kunlaborojn en diversaj kampoj kaj havis ekonomian kaj socian disvolviĝon, farante kontribuon al la paco kaj prospero de Azio. En la ŝanĝiĝantaj situacioj internaciaj kaj regionaj, la du landoj devas persisti en amikaj interrilatoj kaj pliigi strategian interfidon por konservi komunajn interesojn kaj certigi stabilan, longtempan kaj sanan disvolviĝadon inter la du landoj. Profunda kunfandiĝo de orientazia ekonomio havas realan kaj strategian signifojn, kaj jam estas preta por disvolvi. La du flankoj devas komenci intertraktadon pri duflanka liberkomerco kaj tiu de la Asocio de Sudaziaj Landoj, Ĉinio, Sud-Koreio kaj Japanio.
Lee Myung-bak diris, ŝtataj gvidantoj ĉinaj kaj sudkoreaj havas profundan interfidon kaj la du landoj havas fruktojn en interŝanĝiĝo kaj kunlaboro. Sud-Koreio volas kun Ĉinio klopodi por la liberkomerco kaj antaŭenpuŝi kunlaboron inter orientaziaj landoj. Li kredis, ke Sud-Koreio kaj Ĉinio havas brilan futuron.
La du flankoj profunde kaj sincere interŝanĝis opiniojn pri sekureco de Nordorienta Azio.
Redaktoroj: Zhao Xi kaj Zhang Xiaotong
| 
