| 2012-02-02
La laborgrupo atingis la Kartuman Internacian Flughavenon. |
La 31-an de januaro la 6-persona laborgrupo de la ĉina registaro atingis Kartumon, ĉefurbon de Sudano, por helpe savi la ĉinajn laborulojn malaperintajn kaj forkaptitajn de armitaj ribelantoj en la konstruejo de ŝosea projekto de la Ĉina Hidroelektra Kompanio.
Qiu Xuejun, estro de la laborgrupo, diris en la flughaveno en Kartumo, ke la celo de alveno de la laborgrupo al Sudano estas helpi la ĉinan ambasadorejon en Sudano savi la ĉinajn laborulojn kaj interkomunikiĝi kun la sudana registaro por urĝi ĝin fari savadon garantiante sekurecon de la laboruloj.
Li diris, ke post okazo de la evento la ĉina registaro donis al ĝi grandan atenton, la Ministerio de Eksteraj Aferoj de Ĉinio kaj la ĉina ambasadorejo en Sudano ekigis urĝan sistemon kaj aktive laboras por serĉi malaperintajn laborulojn kaj savi forkaptitojn.
Nun la ĉina ambasadorejo en Sudano kaj aliaj rilataj departementoj de Ĉinio tenas kontaktojn kun Sudano por la savado kaj serĉado.
Redaktoroj: Liu Sigong kaj Niu Xueqin
| 
