| 2012-03-07
Ma Xiaotian kaj Philippe Combes |
Posttagmeze de la 5-a de marto okazis en Pekino la 11-a strategia dialogo pri nacia defendo inter Ĉinio kaj Francio, kiun prezidis Ma Xiaotian, vicestro de la ĉefstabo de la Ĉina Popola Liberiga Armeo, kaj Philippe Combes, vicstabestro de la francaj tri armeoj. La du flankoj profunde interŝanĝis opiniojn pri internacia kaj regiona sekureco, atentitaj problemoj, armea konstruado kaj kunlaboro inter la armeoj de la du landoj.
Ma Xiaotian diris, ke bone disvolviĝis la rilatoj inter Ĉinio kaj Francio en la lastaj jaroj. Oftiĝas vizitoj inter la duflankaj altnivelaj gvidantoj, kaj viglas kunlaboroj en diversaj kampoj. En la kaprica kaj komplika situacio internacia kaj regiona, la du flankoj devas fortigi inter si komunikadon kaj politikan konfidon por alfronti diversajn defiojn tutglobajn. La ĉina armeo alte atentas la rilatojn kun la franca armeo kaj opinias ke la armeoj de la du landoj sin okupas pri transformado, kaj interŝanĝo kaj kunlaboro de la du flankoj havas grandan potencialan forton. Ĉinio volas kune klopodi kun Francio por profunde antaŭenpuŝi amikecajn kaj praktikajn kunlaborojn inter la du armeoj.
Redaktoroj: Zhang Shuang kaj Zhang Xiaotong
| 
