La
2-5-an de oktobro 2003 okazis la 5-a China Kongreso
de Esperanto en Yanji, chefurbo de la Yanbian-a Kore-nacia
Autonoma Subprovinco de Jilin-provinco, nordorienta
Chinio. La kongreson cheestis 236 esperantistoj el
26 provincoj, autonomaj regionoj, municipoj kaj la
Speciala Administra Regiono Hongkong de Chinio kaj
el Koreio kaj Rusio.
Je la 9-a matene de la 2-a
de oktobro inaugurighis la kongreso. S-ino Tan Xiuzhu,
prezidanto de la China Esperanto-Ligo (ChEL), prezidis
ghin. S-ro Jin Zhixi, prezidanto de la Yanbian-a Federacio
de Socisciencaj Asocioj, faris gratulan paroladon
en la nomo de la registaro de la subprovinco kaj s-ro
Li Jundao, prezidanto de la Loka Kongresa Komitato,
donis salutvortojn al la kongresanoj. La kongreson
salutis ankau reprezentantoj de kelkaj lokaj E-asocioj.
S-ro Yu Tao, ghenerala sekretario de ChEL, faris raporton
pri laboro de la ligo en la pasintaj 4 jaroj. S-ro
Wang Hanping, asista ghenerala sekretario de ChEL
kaj direktoro de la centra oficejo de la ligo, prezentis
al la kongresanoj la preparadon de ChEL por la 89-a
UK okazonta en Pekino en 2004 kaj resumis la laboron
de la china delegacio partopreninta la 88-an UK en
Svedio.
La
kongreson salutis per letero Cai Mingzhao, vicministro
de la Informa Oficejo de Chinio kaj prezidanto de
la China Internacia Eldona Grupo, d-ro Renato Corsetti,
prezidanto de UEA, prof. Lee Chong-Yeong, vicprezidanto
de UEA, 4 E-organizoj kaj 13 esperantistoj el 17 landoj.
S-ro Cai Mingzhao diris en la letero, ke la chi-foja
kongreso havas gravan signifon por la E-movadoj monda
kaj china, kaj oni devas bone plani, aranghi kaj plenumi
ghian preparlaboron. D-ro Renato Corsetti skribis:
"Via laboro estas rekonata de eksterlandaj esperantistoj,
kiuj volas nepre rilati kun vi, ricevi viajn revuon,
auskulti viajn radiojn, lerni pri via historio kaj
pri via kulturo. Ne estas troe diri, ke chiu esperantisto
estas ankau iomete chino. Do, vi havas grandan respondecon
pro la grandaj atendoj de nechinaj esperantistoj."
Prof. Lee Chong-Yeong skribis en sia retletero: "La
chi-jara china kongreso estas grava okazo pripensi
kaj prepari fare de chinaj samideanoj pri la venontjara
UK. La chi-jara kongrestemo, 'Universala Kongreso
kaj china Esperanto-movado en la nova jarcento', estas
tute trafa. Chinio estu la motoro de la Esperanto-movado
en la 21-a jarcento!"
La
kongresa temo estas: La Universala Kongreso kaj la
E-movado de Chinio en la nova jarcento. S-ro Zou Guoxiang,
vicprezidanto de ChEL, montris en sia parolo, ke okazigo
de la 89-a UK en la komenco de la nova jarcento havas
gravan signifon. Li alvokis la lokajn E-organizojn
kaj esperantistojn agadi por sukcesigi la kongreson.
Sekve de tio dekkelkaj samideanoj prezentis siajn
opiniojn pri ghi. S-ro Han Zuwu el Tianjin parolis
pri "La loka E-movado estas fundamento de la
tutlanda E-movado", s-ro Hou Zhiping pri "Universala
Kongreso estas akcelilo de la china Esperanto-movado",
s-ro Li Shijun pri "Kiaj taskoj staras antau
ni?", kaj aliaj samideanoj pri "Kion ni
faros por la 89-a UK?", "Kion ni faros kontrau
lingva hegemonio?" ktp.
La kongreso havis kunsidon
por respondeculoj de lokaj E-asocioj kaj komitatanoj
de ChEL. Ghin prezidis s-ro Yu Tao, kiu faris paroladon
pri tio, kiel organizi kaj akordigi por sukcesigo
de la 89-a UK kaj esperas, ke la lokaj E-organizoj
klopodados por kulturi, instrui, preparigi kaj partoprenigi
siajn membrojn por la UK en 2004. Delegitoj el la
E-asocioj de Interna Mongolio, Shanhajo, Shanxi, Dandong,
Changzhou, Hubei, Sichuan kaj Shandong parolis pri
spertoj kaj renkontitaj problemoj en siaj laboroj.
Ili venis al la konsento, ke lokaj E-movadoj estas
fundamento de la china E-movado, kaj esprimis, ke
ili diligente laboros por antauenpushi la chinan E-movadon
kaj kunlaboros kun ChEL por plenumi taskojn de la
89-a UK.
Posttagmeze de la 3-a de
oktobro okazis Esperanto-Seminario por memori Tikos
okaze de la 20-jarigho de lia forpaso kaj samtempe
okazis premiero de la libro "Elektitaj verkajhoj
de Tikos". S-ro Tikos faris gravan kontribuon
al kulturado de esprantistoj, inter kiuj multaj estas
chefaj fortoj de la nuna china E-movado. La studentoj
de Tikos rememoris lian sindonemon kaj sindedichon
al Esperanto-afero dum la tuta vivo kaj nomis lin
brava batalanto.
Dum la kongreso krom la tema
kaj faka programoj estis aranghitaj ankau diskutoj
pri diversaj temoj pri junularo, fervojoj, turismo,
komerco, uzado de Interreto ktp. Okazis ankau oratora
konkurso kaj ekskursoj.
Je la 2-a posttagmeze de
la 4-a de oktobro fermighis la 5-a China Kongreso
de Esperanto. La fermon prezidis s-ro Zou Guoxiang.
S-ro Wang Hanping faris resuman paroladon pri la kongreso.
Post tio sekvis anonco de la listoj de premiogajnintoj
de E-asocioj, individuoj kaj oratora konkurso, kaj
disdono de premio kaj atestilo. S-ro Yu Tao legis
la rezolucion de la kongreso kaj chiuj ghin aprobis
per varma aplaudo. Che la fino de la fermo s-ro Hou
Zhiping legis salutleteron al Bakin okaze de lia 100-jarigho
kaj chiuj kongresanoj subskribis la verdan shtofon,
kiun la ChEL donacos al s-ro Bakin.