Natura medio

Pekino situas en la nordo de la Nordchinia Ebenajho kaj estas chirkauita de montoj en okcidento, nordo kaj nordoriento, kaj sudoriente de Pekino estas ebenajho milde klinighanta al Bohai-maro. Pluraj riveroj trafluas Pekinon kaj fine en Bohai-maron. Ghi najbaras al Tianjin (unu el la plej grandaj urboj de Chinio) en oriento kaj al Hebei-provinco en la aliaj flankoj.

Pekino trovighas en la varmeta duonhumida zono kaj la sezonoj alternas klare. La printempo kaj autuno estas mallongaj kaj la vintro kaj somero kompare longaj. La averagha temperaturo de jaro estas 12.8° C, tiu de vintro - 6.4° C sub la nulo kaj tiu de plej varma julio - 29.6° C. La jara atmosfera precipito estas 371.1 mm.

Pekino estas chefurbo de la China Popola Respubliko. Ghi areas 16807.8 kvadratajn kilometrojn, el kiuj proksimume 500 kvadrataj kilometroj estas okupataj de urbaj kvartaloj. Ghi ampleksas 14 distriktojn kaj 4 guberniojn.

Loghantaro kaj nacioj

Pekino nombras 13 milionojn da loghantoj, kaj la averagha vivdauro estas 74 jaroj. En Pekino trovighas membroj de chiuj 56 nacioj de Chinio, el kiuj, kiel naciminoritatoj, Hui-, Manchur- kaj Mongol-nacioj chiu nombras pli ol 10 mil membrojn.