Nokta Pekino estas brile iluminata kaj grandaj magazenoj servas ghis malfrua horo. Multaj homoj promenas sur la placoj de la movoplenaj komercaj stratoj Wangfujing kaj Xidan. En loghkvartaloj maljunaj virinoj dancas lau takto de tamburo...

La longa Chang'an-strato en nokto farighas pli charma, kaj la Imperiestra Palaco kaj Tian'anmen-placo aspektas pli imponaj kaj vastaj.

Bufedejoj kaj diskodancejoj frekventataj de gejunuloj

Chiutage, bufedejoj en diversaj anguloj helighas kune kun neonlampoj.

En la orienta parto de Pekino estas strato Sanlitun, proksima al regiono kun multaj ambasadorejoj, eble pro tio en la strato aperis la unuaj bufedejoj de Pekino. Poste pli kaj pli multaj bufedejoj aperis en la strato kaj formis bufedejan straton. La bufedejoj chiu havas sian propran stilon, sed chiuj senescepte havas nektarojn kaj muzikon. Iliaj dekoracioj kaj dispozicioj estas konformaj al la muziko. Pli kaj pli multaj gejunuloj vizitas la bufedejojn kaj ilia elekto de bufedejo aludas ilian personecon kaj humoron.

Gejunuloj de Pekino vizitantaj bufedejojn ne estas tiel emaj al vino kiel tiuj de Shanhajo kaj Kantono. Ili trinkas bieron el granda pokalo, brunan teon au kafon. Ili prenas bufedejojn io spirita kaj loko por faciligi sian koron.

En la lasta tempo bufedejoj amase aperis che Chaoyang-parko kaj Xiushui-strato.

Kompare kun drinkado en bufedejo, diskodancado allogas pli multajn gejunulojn. En semajnfino la famaj diskodancejoj estas plenplenaj de dancantoj.

Fantoma Strato

En la noreorienta parto de Pekino estas strato, kiu viglas en profunda nokto pro multaj klientoj, tial oni nomas ghin Fantoma Strato. Ambauflake de la strato vicighas 184 restoracioj kaj butikoj servantaj ghis tagigho. Proksimume 20 el ili liveras ordinarajn pladojn, kaj chiuj ceteraj servas per pladoj de gustoj de diversaj lokoj de la lando. La specoj de pladoj estas multaj, gustoj tre richaj, sed prezoj nealtaj.

Shipveturado en nokto

Promenante en Pekino en profunda nokto, oni povas percepti kulturan kvintesencon kaj fascinan forton de la mil-jara antikva chefurbo.

Chirkaufosajho silente brakumas la Malpermesitan Urbon. Turoj che la kvar anguloj de la chirkaumuro de la Imperiestra Palaco reflektas en glimanta akvo de la chirkaufosajho. Salikoj borderantaj la chirkaufosajhon balancetas la sveltajn vergojn lau ventoblovo.

Ne estas malbona elekto shipveturi en Kunyu-kanalo antaue uzata ekskluzive por la kortego. Shipveturado en la kanalo kun historio de 700 jaroj denove komencighis post 97 jaroj. Siatempe la imperiestra patrino veturis lau tiu kanalo de la Malpermesita Urbo al la Somera Palaco. Nun la parto de la kanalo, kiu malfermighis al uzado, komencighis de kajo norde de la Pekina Ekspozicia Halo. La shipveturo de 9 kilometroj postulas 50 minutojn. La plezurshipo estas ornamita per antikvastilaj lanternoj.