Pekino estas ideala urbo por achetado de turistoj. Chu chenbutiko de varoj de mondfamaj markoj, chu magazeno, chu butiko de diversaj detalajhoj au ech tiu de kuriozaj antikvajhoj, chiuj vendas objektojn en alloga prezo. Tie oni povas trovi kaj luksajn varojn kaj malmultekostajn ajhojn kaj tre kuriozajn antikvajhojn.

Wangfujing-strato

Oni nomas Wangfujing "Ora Strato por Achetado". En 2000 la registaro larghigis la straton, rekonstruis la domojn ambauflanke de la strato kaj konservis chiujn antikvajn butikojn. La plej fama Pekina Magazeno estis rekonstruita. La movoplena bazarforma magazeno Dongfeng estis renovigita kaj plivastigita en modernan chiovendejon, plej grandan en Pekino, kaj havas novan nomon Xindong'an. Ene estas "Strato de Malnova Pekino" por tradiciaj manghajhoj de Pekino.

Xidan-strato

Okcidente de Tian'anmen-pordego estas tre vigla komerca strato Xidan. Tie estas 4 grandegaj magazenoj, en kiuj servas ankau restoracioj, amuzejoj kaj chenbutikoj.

Qianmen-strato kaj Dashila-strato

Sude de Tian'anmen-placo estas movoplenaj stratoj Qianmen kaj Dashila, kiuj formis komercan centron de Pekino jam antau 500 jaroj. Tie estas multaj antikvaj butikoj de chapoj, silkajhoj, shuoj k.a. kaj iamaj privataj bankoj. Pekinaj indighenoj tre shatas viziti tiujn stratojn.

Kultura strato Liulichang

Liulichang-strato estas multe shatata tipa strato de malnova Pekino. Ambauflanke de la strato vicighas upli ol cent butikoj de arkitektura stilo de Qing-dinastio (1644-1911). En la butikoj oni vendas ceramikajhojn, geavuritajn lakajhojn, brodajhojn, juvelshtonojn k.a. Tie butikumantoj estas pli multaj ol achetantoj, char rigardo al tiu strato kaj tiuj butikoj jam estas granda plezuro.

Galerio Rongbaozhai havas historion de 200 jaroj. Ghi kun siaj vendataj kaligrafajhoj, pentrajhoj, antikvaj luksajhetoj, artmetiajhoj k.s. ghuas bonan reputacion.

En la strato estas butikoj de antikvaj libroj kaj moneroj de Chinio. Tie oni vendas ankau kopiajhojn de steleaj skribajhoj, sigelilojn, chinajn inkojn, inkfrotujojn, penikojn kaj tre diversajn antikvajhojn kaj artmetiajhojn.

Hongqiao-bazaro

Hongqiao-bazaro situas che la orienta pordo de la Parko de Chiela Altaro, kaj tie fremdlandaj vizitantoj estas same multaj kiel la chinaj.

Tie oni vendas antikvajhojn, kulturajn restajhojn, malnovajn kaligrafajhojn, pentrajhojn k.a. La prezoj de tieaj vendajhoj estas malpli altaj ol tiuj en Liulichang. La malgrandaj objektoj de malpli ol 100 jaroj estas nemultekostaj, kaj la shatantoj nerichaj havas la pagipovon por acheti ilin. Kaj kompetentaj konantoj de historiaj restajhoj povas hazarde trovi tre valorajn ajhojn, sed nemultekostajn.

En la bazaro oni vendas ankau chiutagajn necesajhojn, ludilojn kaj T-chemizojn.

Panjiayuan-bazaro kaj Urbo de Antikvajhoj

En la orienta parto de Pekino estas Panjiayuan, kie okazas foiro en feriaj tagoj. Tie oni negocas pri brokantajhoj kaj artmetiajhoj.

Urbo de Antikvajhoj estas la plej granda negoca centro por antikvajhoj kaj popolaj artajhoj. Tie oni negocas chefe pri ceramikajhoj, kaligrafajhoj, pentrajhoj, jadajhoj, gravurajhoj de bestaj ostoj, orajhoj, arghentajhoj, bronzajhoj, malnovaj mebloj kaj horloghoj, juvelshtonoj k.a. de pli ol 1000 specoj. Tie regule okazas ekspozicio, aukcio kaj lekcio pri antikvajhoj.

Amikeca Magazeno

Se oni volas acheti diversajn objektojn, sed ne havas sufichan tempon, do estas konsilinde viziti la Amikecan Magazenon. Sed tie la prezoj estas iom pli altaj ol en aliaj magazenoj. Antau dekkelke da jaroj la magazeno estis malfermita nur al fremdlandanoj kaj chinaj elmigrintoj, kaj nun al la tuta socio.

En la magazeno oni vendas tradiciajn produktajhojn de Chinio, ekzemple tekstilajhoj, artmetiajhoj, memorajhoj k.a. La vendistoj estas speciale trejnitaj, ke ili kapablas paroli en kelkaj lingvoj.

Xiushui-strato

Xiushui-strato estas proksima al la Amikeca Magazeno kaj la distrikto de ambasadorejoj. Butikoj staras unu apud alia che la strato en longo de 300 metroj. Tie oni vendas chefe vestojn, shuojn, chapojn kaj silkajhojn. Abundo da varoj de multaj specoj kaj marchandebla prezo altiras multajn fremdlandajn komercistojn kaj turistojn.