| 2011-02-11 Unu monaton antaŭe partoprenintoj de la alternativa novjara festo SANO 1 travivis belajn tagojn en Herzberg/Sieber en komforta ferio-domo. La programo enhavis interesajn fakajn prelegojn ekz., pri sana nutrado kaj alternativaj energisolvebloj, vivmanieroj, prezentadojn pri vojaĝoj, estis leciono pri jogo, okazis ekskursoj al la belega Harz-regiono, al historiaj urbetoj, al la monaĥejo Walkenried, al nova viskiofabriko, eblis skii, migradi, sportumi. Aldoniĝis ludado de muziko kaj komuna kantado. Regis vigla, festeca etoso!
Sube estas kelkaj fotoj pri la komuna muzikado, kantado kun granda ĝojo por ĉiuj.
Kaj bonvenon al ĉiuj kunfestontoj en decembro de 2011!
(el Esperanto-urbo)
Redaktoro: Wang Lihua
Ekskurso al la Welf-kastelo en Herzberg |
| |
Mirinde bela vintra sceno |
| |
Bonas varmiĝi en la itala restoracio. |
| |
Por vegetaranoj unika oferto: Esperanto-pico |
| |
Nutraĵo por la cerbo: Esperanto-gazetoj, libroj |
| |
Vigla babilado ĉe festa tablo |
| |
Ankaŭ la juna generacio bonfartas, multon spertas. |
| |
Kanto-ekzercado por la silvestra nokto |
| |
Komuna muzikado, kantado estas granda ĝojo por ĉiuj. |
|
