| 2011-02-12
En la 13a Internacia Fotokonkurso, organizita en 2010 de La Ondo de Esperanto, partoprenis 40 fotoverkoj de 10 aŭtoroj el 7 landoj (Brazilo, Islando, Kanado, Pollando, Ruslando, Serbio kaj Svedio).
La 9an de januaro 2011 la juĝkomisiono (Albert Adylov, Andrej Budnik, Aleksander Korĵenkov, Maria Sokolova) anoncis la rezulton:
1apremio (€ 50 kaj abono de La Ondo de Esperanto)
Lovísa Óskarsdóttir (Islando) pro Libroservo
2a premio (€ 25 kaj abono de La Ondo de Esperanto)
Vladimir Merkulov (Ruslando) pro Montaro en Kalifornio
3apremio (abono de La Ondo de Esperanto)
Barbara Chodera (Pollando) pro Araneo
Laŭdaj mencioj:
Vladimir Merkulov (Ruslando) pro Panoramo de Moskvo de la 38a etaĝo kaj Panoramo de Kremlo. Antikva urbo Rjazanj
Roland Larsson (Svedio) por nesubskribita foto
Speciala premio pro la plej bona foto pri la temo Familio (50 eŭroj kaj abono al La Ondo de Esperanto)
Olga Ŝipovalenko (Ruslando) pro Kie vi estas, panjoj?
Laŭda mencio
Barbara Chodera pro Familio
La plej bonaj fotoj aperos en La Ondode Esperanto. Ĉar la nombro da konkursaĵoj draste malkreskis en la du lastaj jaroj, la juĝkomisiono pretigos novan Regularon, laŭ kiu ankaŭ fotoj, senditaj elektronike, estos akceptataj.
Dankon al la partoprenintoj!
Gratulon al la laŭreatoj!
Halina Gorecka
sekretario de la konkurso
(el La Ondo de Esperanto)
Redaktoro: Niu Xueqin | 
