| 2011-04-07
Laŭ raporto de Hongkong-a amaskomunikilo en la 4-a de aprilo, oni trovis misteran viruson nomatan "negativa aidoso" en 6 provincoj inkluzive de Guangdong-provinco en suda Ĉinio, kaj oni jam organizis specialisto-grupon por enketi ĝin. En la 5-a de aprilo, proparolanto Deng Haihua de la Sana Ministerio de Ĉinio diris, ke "negativa aidoso" estas nur simptomo pro timego al aidoso, kaj efektive ne ekzistas tiu nekonata viruso, kaj en la 6-a de aprilo, la Sana Ministerio de Ĉinio publikigos la enketan rezulton.
Tiuj, kiuj pretendis esti infektitaj de "negativa aidoso-viruso", havas simptomojn tre similajn al tiuj kiuj estis infektitaj de aidoso, sed multfoja ekzameno de HIV montris, ke ili estas "negativaj", kaj klinika raporto konfirmas, ke ili ne havas evidentan organan malsanon.
Redaktoro : Li Jianhua |
