| 2011-04-11 Japanio kaj solidareco estis en la fokuso de la Interkultura Vespero iniciatita de la Interkultura Centro Herzberg. La klubanoj de la Esperanto-klubo en Herzberg invitis ankaŭ la neesperantistan publikon al la speciala kultura programo, en kiu enestis japana literaturo (prezentado de la libro de Nakazawa Keizi: Nudpieda Gen), filmrigardado (kun la titolo: Sub la ombro de Hiroŝimo), kaj esprimo de solidareco kun la multon suferanta lando.
Ni citis el la retleteroj de niaj japanaj samideanoj, kiuj rakontis pri la travivaĵoj dum la tertremo kaj sendis raportojn el la katastrofo-trafitaj regionoj. Estis inter ni gasto, kies filino mem spertis la malfacilajn tempojn en Tokio. Ni deziras al ĉiuj japanaj geamikoj forton kaj sukceson por venki la sortobaton! Sube estas kelkaj bildojpri nia solidara kunveno.
(el Esperanto-urbo)
Redaktoro: Wang Lihua
La Interkultura Vespero en la urba biblioteko pri Japanio: literaturo, filmo kaj solidareco |
| |
Petro Zilvar prezentas la japanajn literaturajn verkojn. |
| |
La vizitantoj rigardas historian filmon pri la atombombe detruita Hiroŝimo. |
| |
Ingeborg Amanzi rakontas pri la travivaĵoj de sia filino en Tokio dum la tertremo. |
| |
Ni legas leterojn kaj retmesaĝojn de niaj japanaj gesamideanoj. |
| |
Niaj bondeziroj al la japanaj geamikoj: kredo -- espero -- amo |
| |
Korajn salutojn, bondezirojn de la solidara amikaro el Herzberg am Harz -- la Esperanto-urbo! |
| 
