| 2011-04-11
Ekspertoj alvokas pli bonan prizorgon kaj pli fortan intervenon por trakti psikologiajn problemojn, kiujn suferas infanoj lasitaj de iliaj migrintaj gepatroj en propraj hejmlokoj.
Lastatempa enketo farita de la Centro de Mensa Sano en Wuhan opinisondis 1,200 infanojn en tia situacio. La rezulto montris, ke ĉirkaŭ 14% de ili suferas psikologian malordon dum sia adoleskeco.
Komence de oktobro, 2009, la enketo traktis 11,000 homojn, inkluzive de infanoj, kiuj aĝis de 6 ĝis 14 kaj venis el la kamparo.
Zhong Baoliang, ĉefeksperto de la enketo, diris, ke ĉirkaŭ 170 el la opinisonditaj infanoj spertis suferojn kiam ili estis for de siaj gepatroj kaj pasigis la junecon kun siaj geavoj aŭ aliaj parencoj. Zhong diris, ke ili nun suferas pro lerno-nekapableco, depresio, socia fobio kaj aliaj problemoj.
Liu Jitong, profesoro pri publika sano el Pekina Universitato, diris, ke la infanoj suferas de malordoj pro tio, ke ili estis senigitaj je la plej baza kaj grava necesaĵo de la infaneco: gepatra amo.
(Redaktoro: Liu Zijia)
|
