| 2011-05-04
Ĉinio vidis akran falon de vojaj akcidentoj kaŭzitaj de postdrinka stirado en la ĵus pasinta longa semajnfino, post kiam validiĝis la amendita leĝo, kiu pli severe punas postdrinkajn stirantojn, en la 1-a de majo.
Laŭ la trafika administracio sub la Ministerio pri Publika Sekureco en la 3a de majo, falis je 27.6% la nombro de vojaj akcidentoj rilataj al postdrinka stirado en la ĵus pasintaj tri ferioj, kaj samtempe malpliiĝis je 54.6% la mortokvanto.
La nuna leĝo tekstas, ke konviktitaj postdrinkaj stirantoj perdos sian stir-licencon por kvin jaroj.
Ĝi ankaŭ preskribas, ke la postdrinkaj stirantoj, kiuj kaŭzis seriozan akcidenton, perdos la licencon por ĉiam.
Laǔ la nuna leĝo stirantoj, kiuj havas almenaŭ 80 miligramojn da alkoholaĵo en 100 mililitroj da sango, estas konsideritaj drinkintaj.
La antaŭa leĝo suspendis al la postdrinkaj stirantoj la licencon por tri ĝis ses monatoj.
(Redaktoro: Liu Zijia)
| 
