| 2011-05-10
Ni invitas al studado de turismo, kulturo kaj lingvoj en la jaroj 2011/2012!
La studjaro 2011/2012 daŭros ekde septembro ĝis majo kaj ampleksos:
- laŭ ĉiutaga sistemo po 30-40 studhoroj semajne (ferioj decembre kaj januare),
- aŭ laŭ t.n. eksterĉeesta sistemo.
Aliĝojn akceptas la sekretariejo de la studejo (adreso sube).
La modestaj viv-kostoj en Bydgoszcz (loĝado en studentaj domoj) estas ekde 200 USD aŭ 150 EUR ĉiumonate laŭ postuloj de Schengen-landoj - kaj kun manĝado 300 USD aŭ 250 EUR tiujn kostojn oni povas pagadi surloke.
Studentoj de la Studejo povas ankaŭ studentiĝi ĉe la Akademio Internacia de la Sciencoj (krom-kosto 32,50 EUR), kio rajtigas al 75% rabato de kromaj kursen- kaj ekzamen-kotizoj de AIS en Bydgoszcz aŭ aliloke en centra/orienta Eŭropo -- kaj al ĉiuj fin-studintoj permesas akiri la titolon de bakalaŭro, kaj, post pliaj du studjaroj, ankaŭ magistro de Akademio Internacia de la Sciencoj (AIS) pri humanistiko aŭ morfosciencoj.
Nun por 2010/2011 jaroj jam aliĝis al ISTK pli ol 120 gestudentoj el Afriko, Azio kaj Eŭropo.
Bonvenon al nia Internacia Studejo pri Turismo kaj Kulturo kaj AIS-Klerigejo Bydgoszcz (AKB), kiu estas la unua en la mondo, kie oni ĉiutage instruas en Esperanto!
Kontribuo de Wojciech Ruminski kaj Andrzej Grzebowski
-------------
Pliaj informoj ĉe:
Internacia Studejo pri Turismo kaj Kulturo, klerigejo de AIS,
str. M. Sklodowskiej-Curie 10, PL-85094 Bydgoszcz, Pollando.
- Reteje: http://www.esperanto.bydgoszcz.eu
- Retpoŝte: stud-esperanto@wp.pl kaj stud@esperanto.bydgoszcz.eu
(El www.eventoj.hu)
Redaktoro: Ivanka Stoyanova | 
