| 2011-05-18
Posttagmeze de la 16-a de majo okazis simpla ceremonio por libro-donaco en la Internacia Ĉinologia Esplora Bazo de la Pekina Universitato, la plej fama universitato de Ĉinio. Profesorino Sun Kangyi el la Universitato Yale donacis pli ol 8 mil librojn kaj videajn dokumentojn al la Pekina Universitato por liveri informojn pri ĉinologio al tiukampaj esploristoj. La ceremonion ĉeestis estroj de la Pekina Universitato, aliaj ĉinologoj kaj studentoj de la universitato.
La libroj kolektitaj de profesorino Sun Kangyi en la pasintaj kelkdekaj jaroj estas altvaloraj dokumentoj por esplori ĉinologion.
En decembro de 2009 estis fondita la Internacia Ĉinologia Esplora Bazo de la Pekina Universitato por diskonigi ĉinajn antikvajn librojn kaj nuntempajn esplorajn librojn al aliaj landoj kaj antaŭenpuŝi la ĉinan kulturon en la mondo.
Redaktoro: Li Jianhua
| 
