| 2011-05-19
La 11-an de majo, "Babelo de libroj" estis inaŭgurita en Buenos-Ajreso, ĉefurbo de Argentino, celebre al tio ke tiu ĉi urbo fariĝis "la ĉefurbo de mondaj libroj" por la kuranta jaro.
La "Babelo de libroj" situas en la centra placo de Buenos-Ajreso, kaj sur ĝi pendiĝis 30 mil libroj el 54 landoj kaj regionoj, kaj inter kiuj estas 500 libroj donacitaj de Ĉinio kaj eldonitaj de la Ĉina Internacia Eldona Grupo.
En la venontaj 15 tagoj, la "Babelo de libroj" estos malfermita al popolanoj kaj 100 personoj povos viziti ĝin samtempe en unu horo. Post fermiĝo de la Babelo, oni uzos tiujn librojn por konstrui "Babelan Librejon" .
La "Ĉefurbo de la mondaj libroj" estis diskutita kaj elektita de la reprezentantoj de UNESKO, la Internacia Eldona Unuiĝo, la Internacia Librovenda Federacio kaj la Internacia Libro-Asocio. Laŭ la elekta rezulto, de la 23-a de aprilo de 2011 ĝis la 22-a de aprilo de 2012, Buenos-Ajreso estos la "Ĉefurbo de mondaj libroj".
Redaktoro: Li Jianhua
| 
